08.06.2026 | 06:12
1067 ընտրատեղամասերում քվեարկության նախնական արդյունքները․ ԿԸՀ
ՀՀ ՊՆ բյուջեն 2026-ին 101.5 մլրդ դրամով պակաս է լինելու
Տնտեսություն
25.09.2025 | 13:47
2026 թվականի պետական բյուջեով Հայաստանի պաշտպանության նախարարությանը հատկացվելու է 563․1 մլրդ դրամ։ Այս մասին Factor.am-ը տեղեկանում է 2026-ի բյուջեի նախագծից, որը կառավարությունը հաստատեց այսօրվա՝ սեպտեմբերի 25-ի նիստի ժամանակ։ 2025 թվականին պաշտպանական բյուջեն 664.6 մլրդ դրամ է։
Ստացվում է՝ կառավարությունը հաջորդ տարի պաշտպանական ոլորտի համար այս տարվա համեմատ նախատեսել է 101.5 մլրդ դրամով պակաս ֆինանսավորում։ Պաշտպանական ոլորտի ծախսերի համար նախատեվող միջոցները չավելացնելու մասին վարչապետ Փաշինյանը հայտարարել էր դեռ օգոստոսին։
«Հնարավոր է, որ 2026 թվականի բյուջեում ծախսերի Էական աճ կամ պաշտպանական ծախսերի աճ ընդհանրապես չլինի։ Կարծում եմ՝ տրամաբանական է, համենայնդեպս, մեր գնահատականն այս պահին սա է»,- ասել էր նա։
Փաշինյանի հայտարարությունից ավելի վաղ էլ ֆինանսների նախարար Վահե Հովհաննիսյանը հայտարարել էր, որ Վաշինգտոնում Ադրբեջանի հետ խաղաղության համաձայնագրի նախաստորագրման ֆոնին երկրի իշխանությունները ծրագրում են 2026 թվականի բյուջեում նվազեցնել պաշտպանական ծախսերի մասնաբաժինը 2025 թվականի համեմատ:
ՀՀ-ում պաշտպանական ոլորտի բյուջեն նվազեցնելու ֆոնին Ադրբեջանն է ընդլայնում ռազմական ոլորտի բյուջեն։ 2026-ին Բաքուն այս ոլորտին կհատկացնի 5 միլիարդ 120 միլիոն ամերիկյան դոլար։ Այս գումարը 90 մլն դոլարով շատ է 2025-ի բյուջեից։
Նարեկ Կիրակոսյան
