06.04.2026 | 16:32
Զելենսկին հայտնում է, որ Ուկրաինան և Սիրիան ընդլայնում են անվտանգության ոլորտում համագործակցությունը
Մեսի․ Սա այն պահն է, որին ես սպասում էի
07.12.2025 | 14:21
Աշխարհի չեմպիոն Արգենտինայի հավաքականի հարձակվող Լիոնել Մեսին ամերիկյան «Ինտեր Մայամիի» կազմում MLS-ի չեմպիոնի տիտղոսը նվաճելուց հետո կիսվել է տպավորություններով։
«Երեք տարի առաջ ես որոշեցի տեղափոխվել MLS, իսկ այսօր մենք չեմպիոն ենք։ Մենք նաև հասել էինք ԿՈՆԿԱԿԱՖ Չեմպիոնների գավաթի կիսաեզրափակիչ։
Անցած տարի մենք դուրս մնացինք փլեյ-օֆֆից հենց առաջին փուլում։ Այս տարի MLS-ում հաղթելը մեր հիմնական նպատակներից էր։ Թիմը մեծ ջանքեր է գործադրել։ Տարին շատ երկար էր, բազմաթիվ խաղերով, և մենք ամբողջ մրցաշրջանի ընթացքում կարողացանք կատարել մեր առաջադրանքը։ Սա այն պահն է, որին ես սպասում էի, և որին սպասում էր ամբողջ թիմը։ Սա շատ հաճելի և արժանի հաղթանակ է բոլորիս համար»,- «Ոսկե գնդակի» 8-ակի դափնեկրի խոսքը մեջբերում է Goal.com-ը։
Կանադական «Վանկուվեր Ուայթքեփսի» դեմ եզրափակիչի խաղում Մեսին դարել էր 2 գոլային փոխանցման հեղինակ՝ օգնելով «Ինտեր Մայամիին» հաղթել 3։1 հաշվով ու պատմության մեջ առաջին անգամ դառնալ MLS-ի չեմպիոն։
38-ամյա արգենտինացին նվաճել էր կարիերայի 48-րդ տիտղոսը՝ թարմացնելով համաշխարհային ռեկորդը։ Այդ ցուցանիշով երկրորդը բրազիլացի Դանի Ալվեսն է, որն ունի 45 տիտղոս։
MLS-ի ավարտված մրցաշրջանում Լիոնել Մեսին մասնակցել է 34 հանդիպման, դարձել 35 գոլի ու 23 գոլային փոխանցման հեղինակ։ Նա նաև ճանաչվել էր փլեյ-օֆֆի ամենաարժեքավոր ֆուտբոլիստ։
