23.01.2026 | 23:21
Մասկը վերադարձել է մեծ քաղաքականություն և շարունակում է ֆինանսավորել հանրապետականներին. WSJ
Արշակ արքեպիսկոպոս Խաչատրյանին կալանավորելու միջնորդությունը մակագրվել է դատավոր Մասիս Մելքոնյանին
Քաղաքականություն
04.12.2025 | 20:40
Արշակ արքեպիսկոպոս Խաչատրյանին կալանավորելու միջնորդությունը մակագրվել է Երևանի քրեական դատարանի դատավոր Մասիս Մելքոնյանին: Այս մասին Factor TV-ին հայտնում են դատարանից:
Նշենք, որ Արշակ արքեպիսկոպոս Խաչատրյանն այսօր հրավիրվել է Քննչական կոմիտե՝ հարցաքննության, ապա ձերբակալվել՝ դատարան կալանքի տարվելու նպատակով: Միջնորդության քննության ժամը դեռևս հայտնի չէ:
Արշակ արքեպիսկոպոսը մեղադրվում է Քրեական օրենսգրքի 393-րդ հոդվածի 2-րդ մասի 1-ին և 4-րդ կետերով (մի խումբ անձանց կողմից նախնական համաձայնությամբ թմրամիջոց ապօրինի իրացնելը):
Նշենք, որ ամիսներ առաջ Մասիս Մելքոնյանն է կալանավորել նաև Բագրատ արքեպիսկոպոս Գալստանկանին և Միքայել արքեպիսկոպոս Աջապահյանին:
Արաքս Մամուլյան
