03.08.2026 | 16:15
Կառավարությունից ու համայնքապետարաններից՝ խորհրդարան․ ովքեր են ՔՊ-ի նոր պատգամավորները
Հեղաշրջման մեջ մեղադրվող Ալիևի աշխատակազմի նախկին ղեկավարի որդին ազատվել է փոխնախարարի պաշտոնից
Քաղաքականություն
01.12.2025 | 23:30
Թեյմուր Մեհդիևն ազատվել է Ադրբեջանի արտակարգ իրավիճակների փոխնախարարի պաշտոնից։ Ադրբեջանական լրատվամիջոցների տվյալներով՝ համապատասխան հրամանը ստորագրել է Ադրբեջանի նախագահ Իլհամ Ալիևը։
Արտակարգ իրավիճակների նախարարության մամուլի ծառայությունը հաստատել է Թեյմուր Մեհդիևի ազատման լուրը։
Թեյմուր Մեհդիևն Ալիևի աշխատակազմի նախկին ղեկավար Ռամիզ Մեհդիևի որդին է։
Նշենք, որ 2025 թվականի հոկտեմբերի 14-ին Բաքվի Սաբայիլի շրջանային դատարանը Ռամիզ Մեհդիևի նկատմամբ, որը մեղադրվում էր հատկապես ծանր հանցագործություններ կատարելու մեջ, չորս ամսով տնային կալանք էր որոշել։ Մեհդիևին մեղադրանք է առաջադրվել Ադրբեջանի քրեական օրենսգրքի 278.1 (պետական իշխանությունը զավթելուն ուղղված գործողություններ), 274 (պետական դավաճանություն) և 193-1.3.2 (հանցավոր ճանապարհով ձեռք բերված գույքի լվացում) հոդվածներով։
Թարգմանությունը՝ Էմմա Չոբանյանի
