19.08.2026 | 14:13
4-րդ հանրապետության ճարտարապետը Թուրքիան է, իսկ կոնստրուկտորը՝ Ադրբեջանը․ Իշխան Սաղաթելյան․ ՏԵՍԱՆՅՈՒԹ
Երևանի փողոցներից մեկում գիշատիչ թռչուն է հայտնաբերվել
01.12.2025 | 15:24
Բնապահպանության և ընդերքի տեսչական մարմնից հայտնում են, որ Երևանի փողոցներից մեկում ՀՀ Կարմիր գրքում գրանցված արծիվ է հայտնաբերվել, որը տեղափոխվել է Երևանի կենդանաբանական այգի։
«Բնապահպանության և ընդերքի տեսչական մարմին նոյեմբերի 24-ին, ժամը՝ 12։15-ի սահմաններում ՀՀ ՆԳՆ փրկարար ծառայության Երևանի ՄՓՎ ճգնաժամային կառավարման ազգային կենտրոնից ստացվել էր ահազանգ Երևան քաղաքի Մալաթիա-Սեբաստիա վարչական շրջանի Բատիկյան փողոցում քաղաքացու կողմից անօգնական վիճակում հայտնաբերված գիշատիչ թռչնի վերաբերյալ։
Ձեռնարկած միջոցառումների արդյունքում պարզվել է, որ քաղաքացին հայտնաբերել է ՀՀ Կարմիր գրքում գրանցված «Մեծ ենթարծիվ» տեսակի փետրածածկը վնասված վայրի թռչուն, որին Տեսչական մարմնի աշխատակիցները նույն օրը, ժամը 13։00-ի սահմաններում տեղափոխել են «Երևանի կենդանաբանական այգի» ՀՈԱԿ-ի վերականգնողական կլինիկա։
Վերականգնումից հետո ՀՀ կարմիրգրքյան արծիվը բաց կթողնվի վայրի բնություն»,- ասված է հաղորդագրությունում։
