31.10.2026 | 13:06
Արարատ Միրզոյանը մասնակցել է «Մանամայի երկխոսության» բացման արարողությանը
Ինչո՞ւ եք Ուկրաինայի մասին հարցնում, ինչո՞ւ Սոմալիի մասին չեք հարցնում․ Եղոյանը՝ Մինասյանին․ ՏԵՍԱՆՅՈՒԹ
Քաղաքականություն
28.11.2025 | 15:51
«Ուկրաինայում Եվրամիությունը հիմա իրականացնո՞ւմ է ռազմական առաքելություն, թե ոչ, և եթե այո, ապա այս համաձայնագիրը Հայաստանի համար կարո՞ղ է դառնալ հետագայում նման առաքելության մասնակցության առաջադրման իրավական հիմք եվրոպական երկրների կողմից»,- ԵՄ-ՀՀ համաձայնագրի մասին ԱԺ Եվրոպական ինտեգրման հարցերի մշտական հանձնաժողովի նախագահ Արման Եղոյանին նման հարց ուղղեց «Հայաստան» խմբակցության պատգամավոր Արծվիկ Մինասյանը։
Եղոյանի խոսքով՝ ամեն երկիր ինքն է որոշում՝ իր առաքելությունը որ պետություն ուղարկի այն մանդատի շրջանակում, որի շրջանակում գործում է այդ առաքելությունը:
«Ուղղակի գիտեք, պարոն Մինասյան, ինձ հետաքրքրում է՝ դուք ինչի՞ եք Ուկրաինայի մասին հարցնում: Օրինակ, ինչի՞ Սոմալիի մասին չեք հարցնում: Այնտեղ շատ ավելի, ասեմ, այնպես չի, որ ավելի հանգիստ է հիմա իրավիճակը: Կամ, օրինակ, Բոսնիայի, չէ՞: Այնտեղ մի քիչ ավելի հանգիստ է, բայց էլի կան որոշակի ռիսկեր: Ինչի՞ եք դուք դա հարցնում, ի՞նչ եք ուզում դրանով ակնարկած լինեք, որ կարող է պատահի՝ սա ստորագրվել է նրա համար, որ հատուկ Հայաստանը գնա այնտեղ մասնակցի՞: Ո՛չ, դրա համար չի ստորագրվել: Ստորագրվել է նրա համար, որ Հայաստանը ունենա հնարավորություն մասնակցելու Եվրոպական միության առաքելություններին: Որին կմասնակցի՝ արդեն Կառավարությունը կորոշի՝ ըստ իրավիճակի»,- նշեց Արման Եղոյանը:
Մանրամասները՝ տեսանյութում։
