06.12.2025 | 22:41
Պետք է շարունակենք մեր ծառայությունը բերել մեր ժողովրդին. Գարեգին Բ-ն` Փաշինյանի քայլերի մասին. ՏԵՍԱՆՅՈՒԹ
Ադրբեջանի տրանսպորտի նախարարը Բաքվում ԱՊՀ նիստում, այսպես կոչված, «Զանգեզուրի միջանցքից» է խոսել․ նիստին նաև ՀՀ-ից ներկայացուցիչ է մասնակցում
Քաղաքականություն
26.11.2025 | 14:39
«Զանգեզուրի միջանցքի շինարարությունը, որի տարեկան թողունակությունը կազմում է մինչև 15 միլիոն տոննա, ակտիվորեն շարունակվում է»։ Ադրբեջանական լրատվամիջոցների փոխանցմամբ՝ այս մասին հայտարարել է Ադրբեջանի թվային զարգացման և տրանսպորտի նախարար Ռաշադ Նաբիևը Բաքվում անցկացվող ԱՊՀ երկրների երկաթուղային տրանսպորտի խորհրդի 83-րդ նիստում։
Նա նշել է, որ երկաթուղու՝ դեպի Աղբենդի շրջան տանող հատվածը, որը գտնվում է Հայաստանի հետ սահմանին, կավարտվի 2026 թվականին։
«Ադրբեջանը միաժամանակ աշխատում է Նախիջևանով անցնող երկաթուղու մոտավորապես 200 կիլոմետրանոց հատվածի շինարարության վրա: Այս ուղղության նախագծումն այժմ ավարտված է, շինարարությունը շուտով կսկսվի: «Ադրբեջանի երկաթուղիներ» ՓԲԸ-ն մի քանի օրվա ընթացքում կսկսի նախագծի իրականացումը»,- ասել է Նաբիևը։
Ադրբեջանական լրատվամիջոցները հայտնում են, որ Բաքվում ընթացող ԱՊՀ նիստին նաև Հայաստանից ներկայացուցիչ է մասնակցում։ Հավաքին ներկա են նաև Ռուսաստանի, Բելառուսի, Ղազախստանի, Ղրղզստանի, Տաջիկստանի, Թուրքմենստանի, Ուզբեկստանի, Վրաստանի, Իրանի, Լատվիայի, Էստոնիայի և Աֆղանստանի երկաթուղային վարչակազմերի ղեկավարները, ինչպես նաև Երկաթուղիների համագործակցության կազմակերպության, ԱՊՀ գործադիր կոմիտեի և Երկաթուղայինների արհմիությունների միջազգային կոնֆեդերացիայի ղեկավարները։
Թարգմանությունը՝ Էմմա Չոբանյանի
