31.10.2026 | 12:34
Կյանքի թանկացման դեմ բողոքի ցույցերը տարածվում են Եվրոպայում․ ակցիաներ են եղել նաև Իտալիայի ավելի քան 60 քաղաքում
Թուրքիայի խորհրդարանական պատվիրակությունն առաջին անգամ հանդիպել է PKK-ի բանտարկված առաջնորդ Օջալանի հետ
Քաղաքականություն
25.11.2025 | 13:31
Թուրքիայի խորհրդարանի խոսնակի գրասենյակը հայտնել է, որ Քուրդիստանի աշխատավորական կուսակցության (PKK) զինաթափման հարցերով զբաղվող խորհրդարանական հանձնաժողովի պատվիրակությունը երկուշաբթի առաջին անգամ այցելել է PKK-ի բանտարկված առաջնորդ Աբդուլլահ Օջալանի հետ, գրում է Reuters-ը։
Ստամբուլի Իմրալը կղզու բանտում տեղի ունեցած հանդիպման ժամանակ պատվիրակությունն Օջալանին հարցրել է PKK-ի լուծարման և զինաթափման, ինչպես նաև Սիրիայի կառավարության և Սիրիայի դեմոկրատական ուժերի (SDF) հետ կնքված համաձայնագրի իրականացման մասին։
Հայտարարության համաձայն՝ «հանդիպման ընթացքում դրական արդյունքներ են ձեռք բերվել սոցիալական ինտեգրման, եղբայրության ամրապնդման և տարածաշրջանային հեռանկարի ուղղությամբ գործընթացը դրականորեն առաջ մղելու առումով»։
Հանդիպմանը մասնակցել են MHP-ի փոխնախագահ Ֆեթի Յըլդըզը, քրդամետ DEM կուսակցության պատգամավորական խմբի նախագահ Գյուլուստան Քըլըչ Քոչիղիթը և իշխող ԱԶԿ-ի փոխնախագահ Հուսեյն Յայմանը։ Պատվիրակությունը կազմվել է հանձնաժողովի նիստում խորհրդարանական խմբակցություն ունեցող յուրաքանչյուր կուսակցության մեկական ներկայացուցչից։
Հիշեցնենք, որ ավելի վաղ Օջալանին այցելելու որոշումն ընդունվել էր Թուրքիայի խորհրդարանական հանձնաժողովի կողմից։
Թարգմանությունը՝ Էմմա Չոբանյանի
