29.07.2026 | 16:41
Ովքեր են ԱԺ հանձնաժողովների ղեկավարի թեկնածուները․ Փաշինյանը ներկայացրեց ընտրության արդյունքները․ ՏԵՍԱՆՅՈՒԹ
Բաքվում բիզնես կենտրոնում պայթյուն է տեղի ունեցել. տուժածներ կան. ՏԵՍԱՆՅՈՒԹ
Քաղաքականություն
24.11.2025 | 12:42
Բաքվի Նարիմանովի շրջանում գտնվող հինգհարկանի շենքում (ադրբեջանական լրատվամիջոցները նշում են, որ խոսքը բիզնես կենտրոնի մասին է) պայթյուն է տեղի ունեցել: Ադրբեջանական լրատվամիջոցների հաղորդմամբ՝ պայթյունին հրդեհ չի հետևել, շենքին զգալի վնաս է հասցվել։
Հաղորդվում է, որ պայթյունի հետևանքով կան տուժածներ, հինգ մարդ հոսպիտալացվել է։ Մեկի մոտ ախտորոշվել են ջերմային այրվածքներ, ևս չորսը բազմաթիվ մարմնական վնասվածքներ են ստացել։ Վիրավորների վիճակը գնահատվում է միջին ծանրության։
AFEN Plaza բիզնես կենտրոնում տեղի ունեցած պայթյունի պատճառը հետաքննվում է, լրագրողներին հայտնել է Ադրբեջանի Արտակարգ իրավիճակների նախարարության հատուկ ռիսկի փրկարարական ծառայության օպերատիվ փրկարարական վարչության պետ Թողրուլ Մեհդիևը։
Թարգմանությունը՝ Էմմա Չոբանյանի
