01.02.2026 | 21:17
Փակ են Ամբերդ ամրոց և Քարի լիճ տանող ավտոճանապարհները
Մարտի 1-ի հանցագործության պլանավորումը չի կատարվել այդ օրվա մեկ որոշմամբ, նախապատրաստվել է․ Սաֆարյան․ ՏԵՍԱՆՅՈՒԹ
Քաղաքականություն
18.11.2025 | 15:40
Ազգային ժողովում շարունակվում է ««Մարտի 1-ի գործի» քննությունը նախորդող ժամանակահատվածում, «Մարտի 1-ի գործի» վերաիմաստավորումը «Ֆարմանյանը և այլք ընդդեմ Հայաստանի» գործով կայացված վճռի լույսի ներքո» թեմայով հանրային քննարկումը, որին մասնակցում էր նաև նախկին պատգամավոր, քաղաքագետ Ստյոպա Սաֆարյանը։
Նա ընդգծեց՝ այս հանցագործությունը թիրախավորել է ոչ միայն Հայաստանի քաղաքացիներին, այլև ժողովրդավարությունն ու ժողովրդի իշխանությունը։
Սաֆարյանը զուգահեռներ տարավ 1999 թվականի հոկտեմբերի 27-ի ոճրագործության և 2008-ի մարտի 1-ի միջև՝ երկուսն էլ համարելով ժողովրդավարության դեմ ուղղված հանցագործություններ։ Սաֆարյանի խոսքով՝ այս իրադարձությունները ծանր հետևանքներ են ունեցել Հայաստանի ժողովրդավարական ինստիտուտների վրա։
Իր ելույթում նա շեշտեց՝ «Մարտի 1»-ի հանցագործությունը նախապես ծրագրված էր, այդ իրադարձություններից հետո Հայաստանի վրա միջազգային ճնշումն ավելացել է, ինչն իր արտահայտությունն է գտել արտաքին քաղաքականության մեջ, մասնավորապես՝ հայ-թուրքական հարաբերությունների և Լեռնային Ղարաբաղի հակամարտության կարգավորման գործընթացներում։
Մանրամասները՝ տեսանյութում։
