19.05.2026 | 23:56
Հայաստանի մի շարք հասցեներում էլեկտրաէներգիայի անջատումներ կլինեն
ՌԴ-ն ու ԱՄՆ-ն քննարկում են բանտարկյալների ևս մեկ փոխանակում․ Պուտինի ներկայացուցիչ
Քաղաքականություն
18.11.2025 | 15:32
ՌԴ նախագահ Վլադիմիր Պուտինի հատուկ ներկայացուցիչ Կիրիլ Դմիտրիևը Axios-ին տված հարցազրույցում հայտարարել է, որ Ռուսաստանը և Միացյալ Նահանգները քննարկումներ են ունեցել բանտարկյալների ևս մեկ փոխանակման կազմակերպման հնարավորության շուրջ, նշում է Ինտերֆաքսը։
«Ես հանդիպել եմ որոշ ամերիկացի պաշտոնյաների և ԱՄՆ նախագահ Դոնալդ Թրամփի թիմի անդամների հետ՝ քննարկելով որոշակի մարդասիրական հարցեր, ինչպիսիք են բանտարկյալների հնարավոր փոխանակումները, որոնց վրա ամերիկյան կողմն աշխատում է»,- ասել է Դմիտրիևը։
Լրատվամիջոցը նշում է, որ Ռուսաստանի նախագահի հատուկ ներկայացուցիչը հոկտեմբերի 24-26-ն ԱՄՆ-ում է եղել։
Axios-ի աղբյուրներից մեկը նշել է, որ Դմիտրիևը բանտարկյալների հարցը քննարկել է, մասնավորապես, ԱՄՆ նախագահի հատուկ բանագնաց Սթիվ Ուիթկոֆի հետ։ Մեկ այլ աղբյուր բացատրել է, որ քննարկումները դրական են եղել, սակայն համաձայնություններ չեն ձեռք բերվել։
«ԱՄՆ-ը կողջունի ցանկացած ամերիկացու բանտից ազատ արձակումը»,- ասել է աղբյուրը։
Լրատվամիջոցի տվյալներով՝ Ռուսաստանում կարող է լինել առնվազն ութ ամերիկացի բանտարկյալ։ Սակայն ո՛չ Դմիտրիևը, ո՛չ էլ ամերիկացի պաշտոնյաները չեն նշել այն բանտարկյալների անունները, որոնք կարող են ներառվել Ռուսաստանի հետ հնարավոր փոխանակման գործընթացում։
Թարգմանությունը՝ Էմմա Չոբանյանի
