07.12.2025 | 21:40
Վարդենյաց լեռնանցքում ձյուն է տեղում. Դիլիջանի, Սպիտակի ոլորաններում մառախուղ է
Սպերցյանը հավաքականում գոլերով հավասարվեց Արթուր Պետրոսյանին և Մարկոս Պիզելիին
17.11.2025 | 17:10
Ֆուտբոլի Հայաստանի հավաքականի ավագ Էդուարդ Սպերցյանը, գոլի հեղինակ դառնալով Պորտուգալիայի դեմ ԱԱ-2026-ի եվրոպական գոտու ընտրական մրցաշարի վերջին տուրի խաղում, ազգային թիմում գոլերի թիվը հասցրել է 11-ի (տեսանյութ)։ Ռուսական «Կրասնոդարի» կիսապաշտպանը 40-րդ հանդիպումն էր անցկացնում հավաքականում։
Հայաստանի հավաքականի պատմության լավագույն ռմբարկուների ցուցակում 25-ամյա Սպերցյանը հավասարվել է կարիերան ավարտած Արթուր Պետրոսյանին և Մարկոս Պիզելիին, որոնց հետ բաժանում է 4-6-րդ տեղերը։
Առաջատարն իտալական «Ինտերի» 36-ամյա կիսապաշտպան Հենրիխ Մխիթարյանն է, իսկ 2-3-րդ տեղերը բաժանում են 14-ական գոլ խփած Յուրա Մովսիսյանն ու Գևորգ Ղազարյանը, որոնք ավարտել են կարիերան։
Էդուարդ Սպերցյանը 2021 թվականի մարտի 31-ին է նորամուտը նշել Հայաստանի հավաքականին։
Լուսանկարը՝ ՀՖՖ-ի։
