24.04.2026 | 15:11
Ըմբշամարտի ԵԱ. Վազգեն Թևանյանը և Մանվել Խնձրցյանը կիսաեզրափակիչում են
Ջրհեղեղը վնասել է Վենետիկի Սուրբ Մարկոս տաճարի խճանկարապատ հատակը
Քաղաքականություն
31.10.2018 | 13:59
Վենետիկում ջրհեղեղի հետևանքով վնասվել է Սուրբ Մարկոս տաճարի խճանկարապատ հատակը: Այս մասին գրում է Gazeta.ru-ն՝ վկայակոչելով ANSA գործակալությունը:
Ջրի մակարդակը տաճարում 90 սմ-ի է հասել: Ջրհեղեղի արդյունքում վնասվել են նաև իսպանացի հայտնի նկարիչ Ժոան Միրոյի գոբելենները, որոնք ներկայացված են Պալացցո Ձագուրիում բացված ցուցահանդեսում:
Հիշեցնենք, որ Վենետիկում ջրի մակարդակի կտրուկ բարձրացման արդյունքում քաղաքի շուրջ 75 տոկոսը ջրի տակ էր հայտնվել: Նշվում է, որ 2012 թվականից ի վեր սա խոշորագույն ջրհեղեղն է Վենետիկում. ջրի մակարդակը հասել է 156 սմ-ի:
Իսկ ամբողջ Իտալիայի տարածքում անբարենպաստ եղանակի հետևանքով զոհերի թիվը հասել է 11-ի: Մարդիկ հիմնականում մահացել են ծառերի ընկնելու և սողանքների հետևանքով:
