14.10.2026 | 09:46
ՀՀ ՊՆ-ում Հնդկաստանի ռազմական պատվիրակության հետ քննարկվել է տարածաշրջանային անվտանգային իրադրությունը
Փոթորկի հետևանքով Վենետիկի շուրջ 75 տոկոսը հեղեղվել է. զոհեր կան. ԼՈՒՍԱՆԿԱՐՆԵՐ
Քաղաքականություն
30.10.2018 | 11:37
Իտալական Վենետիկում ուժգին քամիների հետևանքով ջրի մակարդակը կտրուկ բարձրացել է. արդյունքում քաղաքի շուրջ 75 տոկոսը ջրի տակ է հայտնվել: Այս մասին գրում է Կոմերսանտը՝ վկայակոչելով ANSA գործակալությունը:
Ոստիկանությունն արգելել է մուտքը քաղաքի գլխավոր զբոսաշրջային կենտրոն՝ Սան Մարկո հրապարակ: Արտակարգ իրավիճակների ծառայության տվյալներով՝ տարերքի զոհ է դարձել 5 մարդ, ևս մեկն անհետ կորած է համարվում:
Նշվում է, որ 2012 թվականից ի վեր սա խոշորագույն ջրհեղեղն է Վենետիկում. ջրի մակարդակը հասել է 156 սմ-ի: Իշխանությունները մտավախություն ունեն, որ ջրի մակարդակը կարող է հասնել 1966 թվականի՝ 182 սմ-ի ցուցանիշի:
Ներկայում Վենետիկում ժամանակավոր կամուրջներ են տեղադրում:
Ամբողջ Իտալիայի տարածքում վատ եղանակի հետևանքով արդեն 7 մարդ է զոհվել:
