15.02.2026 | 12:55
Արագածոտնի մարզի մի շարք բնակավայրերում փորձարկվելու են էլեկտրական շչակներ
«Դարակազմիկ հարց եք տալիս». Արգիշտի Մեխակյանը վրդովվեց Գյումրու ու Փարաքարի մասին հիշեցումից. ՏԵՍԱՆՅՈՒԹ
Քաղաքականություն
16.11.2025 | 11:09
Վաղարշապատ համայնքի ղեկավարի ժամանակավոր պաշտոնակատար, Արմավիրի մարզի Խոյ համայնքի ղեկավար, Արմավիրի նախկին մարզպետ Արգիշտի Մեխակյանը, որն ընտրություններում գլխավորում է «Քաղաքացիական պայմանագիր» կուսակցության ցուցակը, «դարակազմիկ» է որակեց Փարաքարում և Գյումրիում իշխանության պարտության մասին լրագրողի հարցը:
«Շնորհակալ եմ ձեր դարակազմիկ հարցի համար, սա Վաղարշապատն է։ Եվ սա տարբեր համայնք է։ Դուք ասում եք՝ հիշեցնեմ, պետք չի հիշեցնել, որովհետև ես Փարաքարում եղել եմ և քարոզարշավի ընթացքում, և ամբողջ ընթացքում»,- ասաց Մեխակյանը:
Factor TV-ի հարցին, թե ինչո՞ւ Նիկոլ Փաշինյանը չեկավ հանրահավաքին՝ Մեխակյանն ասաց, թե հարցը պետք է ուղղել վարչապետին։
«Մեր օրակարգում ի սկզբանե չի եղել իր մասնակցությունը, ի սկզբանե՝ մենք հանրահավաք չէինք էլ պլանավորել, քարոզարշավի ընթացքում բնակչությունից ստացած դրական էներգետիկայով պայմանավորված՝ որոշել ենք քայլերթ անել»,- նշեց նա։
Մեխակյանը հայտարարեց՝ եթե չլիներ Նիկոլ Փաշինյանի աջակցությունը՝ ինքը չէր լինի ՔՊ-ի թեկնածուն։
Հիշեցնենք՝ Վաղարշապատում այսօր ավագանու ընտրություններ են: Առավոտյան ժամը 8:00-ից բացվել են գործող բոլոր ընտրատեղամասերը. ընտրողները քվեարկել կարող են մինչև ժամը 20:00-ն:
Վաղարշապատի ՏԻՄ ընտրություններին գրանցվել են հետևյալ քաղաքական ուժերը՝ «Հայրենիք» կուսակցություն, «Հաղթանակ» կուսակցությունների դաշինք՝ «Առաջ» և ՀՅԴ կուսակցություններով, «Քաղաքացիական պայմանագիրը», «Ազատ դեմոկրատները», «Մայր Հայաստան» ազգային-դեմոկրատական, «Ժառանգություն», «Հանրապետություն», «Համահայկական ճակատ» կուսակցությունները:
Մանրամասները՝ տեսանյութում:
