05.10.2026 | 19:01
Միրզոյան–Ղալիբաֆ հանդիպմանը կարևորվել է Հայաստան–Իրան ռազմավարական համագործակցության խորացումը
Աբովյանում 24-ամյա երիտասարդի սպանության մեջ կասկածվողները ձերբակալվել են
Հասարակություն
15.11.2025 | 12:00
Աբովյան քաղաքի կենտրոնում նոյեմբերի 10-ին կատարված սպանության մեջ կասկածվող երկու քաղաքացի հայտնաբերվել և ձերբակալվել են: Factor.am-ին այս մասին ասաց ՆԳ նախարարի մամուլի քարտուղար Նարեկ Սարգսյանը:
Հիշեցնենք, որ նոյեմբերի 10-ին դանակահարություն էր տեղի ունեցել Աբովյան քաղաքի կենտրոնում, ինչի հետևանքով երկու քաղաքացի էր տուժել․ նրանցից մեկը` 24-ամյա Սարգիս Զեյնալյանը, հիվանդանոցում գիտակցության չգալով մահացել էր։
Դեպքի առթիվ քրեական վարույթ է նախաձեռնվել և սպանության հատկանիշներով հանրային քրեական հետապնդում է հարուցվել 2 անձի նկատմամբ։
Նոյեմբերի 12-ին նրանց կալանավորվելու միջնորդություն է ներկայացվել դատարան:
Նշենք, որ սպանության մեջ մեղադրվողները` 42-ամյա Աշոտ Սոխրաբյանցը և 34-ամյա Բենիամին Սոխրաբյանցը եղբայրներ են:
Արփի Հակոբյան
