21.09.2026 | 23:16
Մադրիդի քաղաքապետարանը ՀՀ դրոշի գույներով լուսավորել է Բիլբաոյի շրջանաձև հրապարակի շատրվանը
Աբովյանում սպանության գործով երկու անձի կալանավորելու միջնորդություն է ներկայացվել, բայց նրանք ձերբակալված չեն
Հասարակություն
12.11.2025 | 19:06
Աբովյան քաղաքի կենտրոնում դանակահարության դեպքի առթիվ քննվող քրեական վարույթի շրջանակում սպանության հատկանիշներով հանրային քրեական հետապնդում է հարուցվել 2 անձի նկատմամբ։ Այս մասին Factor.am-ին հայտնեցին Քննչական կոմիտեից։
Իրավապահ կառույցից տեղեկացնում են նաև, որ նրանց կալանավորելու միջնորդություն է ներկայացվել դատարան։
Factor TV-ի տեղեկություններով, սակայն, սպանության մեջ մեղադրվողները ձերբակալված չեն։ Արդյոք նրանք հեռացե՞լ են Հայաստանից․ այս հարցի պատասխանը չկարողացանք պարզել ՆԳՆ-ից։
Հիշեցնենք, որ նախօրեին դանակահարություն էր տեղի ունեցել Աբովյան քաղաքի կենտրոնում, ինչի հետևանքով երկու քաղաքացի էր տուժել․ նրանցից մեկը, հիվանդանոցում գիտակցության չգալով, մահացել էր։
Քրեական վարույթը նախաձեռնվել է սպանության, առողջությանը միջին ծանրության վնաս պատճառելու և խոլիգանության հատկանիշներով։ ՔԿ-ի փոխանցմամբ՝ նշանակվել են դատագենետիկաւկան և դատաբժշկական փորձաքննություններ։
Արփի Հակոբյան
