16.05.2026 | 21:37
Փաշինյանը ներկայացրել է վարորդական իրավունքից զրկված անձանց խնդրի լուծման իր տարբերակը
ՀՀ-ում քրեական գործ է հարուցվել չեչենուհի Այշաթ Բայմուրադովայի սպանության մեջ կասկածվողների նկատմամբ․ SOS ճգնաժամային խումբ
Հասարակություն
11.11.2025 | 19:25
Հայաստանի քննչական կոմիտեն քրեական գործ է հարուցել երկու անձի նկատմամբ՝ չեչենուհի Այշաթ Բայմուրադովայի կանխամտածված սպանության (ՀՔՕ 155-րդ հոդվածի 1-ին մաս) համար: Այս մասին հայտնել է SOS իրավապաշտպան ճգնաժամային խումբը՝ վկայակոչելով իր դիմումին գերատեսչության պատասխանը, գրում է Meduza-ն։
ՀՀ քննչական կոմիտեն չի նշել կասկածյալներին։
Հաղորդվում է, որ քննիչները հարցաքննել են վկաներին, նշանակվել են Բայմուրադովայի մարմնի դատաբժշկական փորձաքննություններ, ինչպես նաև դատաբժշկական գենետիկական թեստ՝ դեպքի վայրում հայտնաբերված մատնահետքերի հիման վրա։
Պատասխանի համաձայն՝ որպես խափանման միջոց ընտրվել է նախնական կալանքը, հետախուզում է հայտարարվել։
SOS-ը նշում է, որ ոստիկանությունն ավելի վաղ տեսախցիկների տեսագրությունների միջոցով պարզել է, որ Բայմուրադովայի սպանության օրը նրա բնակարանից դուրս են եկել նրա ծանոթ Կարինա Իմինովան և ծնունդով Չեչնիայից Սաիդ-Խամզատ Բայսարովը։
Թարգմանությունը՝ Էմմա Չոբանյանի
