08.12.2025 | 22:30
Չինաստանը մարդանման ռոբոտներ կտեղակայի Վիետնամի սահմանին պարեկության համար
2026-ից առողջության համապարփակ ապահովագրությանը կմիանան 200 հազար դրամից բարձր աշխատավարձ ստացող քաղաքացիները. նախարարը մանրամասնում է
08.11.2025 | 19:17
2026 թվականից առողջության համապարփակ ապահովագրական համակարգին կմիանան ամսական 200 հազար դրամից բարձր աշխատավարձ ստացող քաղաքացիները։ Տարեկան փաթեթի արժեքը սահմանվել է 129․600 դրամ, իսկ վճարումները կկատարվեն ամսական կտրվածքով։ Պետությունը նախատեսում է մի շարք արտոնություններ՝ ապահովագրական վճարների բեռը մեղմելու նպատակով, որոնց շնորհիվ մինչև 500 հազար դրամ աշխատավարձ ստացողները կկարողանան խնայել իրենց ընդհանուր վճարումները՝ դրանք ուղղելով առողջապահական ապահովագրությանը։ Այս մասին գրել է ՀՀ առողջապահության նախարար Անահիտ Ավանեսյանը։
«2026թ-ից համակարգին կմիանան 200.000 + աշխատավարձ ստացող քաղաքացիները:
Փաթեթի արժեքը տարեկան` 129.600 դրամ:
Վճարման ձևը`ամսական:
2026թ. վճարման բեռը մեղմելու համար պետությունը`
ա) 200.000-ից 500.000 հազ. դրամ աշխատավարձ ստացող անձանց հնարավորություն կտա`
5500 դրամի փոխարեն`Զինապահ հիմնադրամին վճարել 1000 դրամ և մնացած 4500 դրամը փոխանցել առողջության ապահովագրությանը:
2026թ.-ի ընթացքում եկամուտների հայտարարագիր լրացնելով` ետ ստանալ 6000 դրամ:
բ) 500.000-ից 1 մլն դրամ աշխատավարձ ստացող անձանց հնարավորություն կտա`
7500 դրամի փոխարեն Զինապահ հիմնադրամին վճարել 1000 դրամ և մնացած 6500 դրամը փոխանցել առղջության ապահովագրությանը:
2027թ.-ի ընթացքում եկամուտների հայտարարագիր լրացնելով` ետ ստանալ 4000 դրամ:
Այսինքն, մինչև 500000 դրամ աշխատավարձ ստացող քաղաքացիները պետությանը վճարելիք 10500 դրամը կարողանալու են խնայել և ուղղել առողջության ապահովագրությանը:
գ) 1մլն. դրամից ավելի աշխատավարձ ստացող անձանց հնարավորություն կտա `
2027թ.-ի ընթացքում եկամուտների հայտարարագիր լրացնելով` ետ ստանալ 4000 դրամ:
Ինչպես միշտ, թողեք հարցերը ներքևում. ուշ երեկոյան ու կիրակի կպատասխանեմ»,- գրել է նախարարը:
