09.06.2026 | 11:02
Վահագն Ալեքսանյանի ճեպազրույցը՝ ՈՒՂԻՂ
Սլովակիայի ՊՆ ղեկավարը կմասնակցի Բաքվի շքերթին․ Ալիևը նրա հետ ռազմական գործակցության հարցեր է քննարկել
Քաղաքականություն
07.11.2025 | 23:08
Ադրբեջանի նախագահ Իլհամ Ալիևն ընդունել է Սլովակիայի փոխվարչապետ և պաշտպանության նախարար Ռոբերտ Կալինյակին։ Ադրբեջանական կողմի հաղորդմամբ՝ Իլհամ Ալիևը բարձր է գնահատել Կալինյակի գլխավորած պատվիրակության մասնակցությունը վաղը Բաքվում կայանալիք զորահանդեսին։
Հյուրը նաև շնորհավորանքներ է փոխանցել Ալիևին Վաշինգտոնում Ադրբեջանի և Հայաստանի միջև հարաբերությունների կարգավորման և խաղաղության օրակարգի հարցում ձեռք բերված հաջողությունների կապակցությամբ։
Ադրբեջանի ղեկավարը նշել է ԱՄՆ նախագահի մասնակցությամբ ստորագրված փաստաթղթերի պատմական նշանակությունը՝ Ադրբեջանի և Հայաստանի միջև խաղաղության օրակարգի առաջխաղացման համար՝ ընդգծելով դրանց դերը տարածաշրջանում կայուն խաղաղության ապահովման գործում։ Կալինյակը գոհունակություն է հայտնել Ալիևի՝ Սլովակիա սպասվող այցի կապակցությամբ։
Զրույցի ընթացքում նշվել է, որ Ադրբեջանի և Սլովակիայի միջև երկկողմ հարաբերությունները, որոնք հիմնված են փոխըմբռնման և աջակցության վրա, կրում են ռազմավարական գործընկերության բնույթ։ Ընդգծվել են տարբեր ոլորտներում, այդ թվում՝ ռազմական և ռազմաարդյունաբերական ոլորտներում համագործակցության ընդլայնման հնարավորությունները։
Անդրադարձ է կատարվել նաև Սլովակիայի օգնությանը Ադրբեջանի՝ Եվրամիության և ՆԱՏՕ-ի հետ հարաբերությունների զարգացման գործում։
Ավելի վաղ հաղորդվել էր, որ Թուրքիայի պաշտպանության նախարար Յաշար Գյուլերը Բաքու կմեկնի թուրքական պատվիրակության կազմում՝ շքերթը դիտելու համար։ Թուրքիայի ԱԳ նախարար Հաքան Ֆիդանը ևս լինելու է պատվիրակության կազմում։ Բացի այդ, այսպես կոչված, «Հաղթանակի օրվա» շքերթին ներկա է լինելու նաև Սերբիայի զինված ուժերի գլխավոր շտաբի պետ, գեներալ Միլան Մոյսիլովիչը։ Թուրքիայի նախագահ Ռեջեփ Թայիփ Էրդողանն ու Պակիստանի վարչապետ Շահբազ Շարիֆը նույնպես նոյեմբերի 8-ին Բաքվում ներկա կգտնվեն շքերթին։
Թարգմանությունը՝ Էմմա Չոբանյանի
