16.03.2026 | 23:18
ԵՄ-ն պատժամիջոցներ է սահմանել չինական և իրանական ընկերությունների նկատմամբ՝ կիբերհարձակումների համար
Թուրքիայի ՊՆ ղեկավարն ու Սերբիայի ԶՈՒ ԳՇ պետը Բաքվում կմասնակցեն, այսպես կոչված, «Հաղթանակի օրվա շքերթին»
Քաղաքականություն
03.11.2025 | 21:38
Թուրքիայի պաշտպանության նախարար Յաշար Գյուլերը կայցելի Ադրբեջան։ Ադրբեջանական լրատվամիջոցների տվյալներով՝ նա Բաքու կմեկնի թուրքական պատվիրակության կազմում՝ Բաքվում նոյեմբերի 8-ին կայանալիք ռազմական շքերթը դիտելու համար։
Նշվում է, որ թուրքական պատվիրակության կազմում Ադրբեջան է այցելելու նաև Թուրքիայի ԱԳ նախարար Հաքան Ֆիդանը։
Բացի այդ, այսպես կոչված, «Հաղթանակի օրվա» շքերթին ներկա է լինելու նաև Սերբիայի զինված ուժերի գլխավոր շտաբի պետ, գեներալ Միլան Մոյսիլովիչը։ Ըստ տեղեկությունների՝ նա Բաքու կժամանի առաջիկա օրերին և կներկայացնի իր երկիրը հանդիսավոր զորահանդեսին։
Հավելենք՝ ավելի վաղ հայտնի էր դարձել, որ Թուրքիայի նախագահ Ռեջեփ Թայիփ Էրդողանն ու Պակիստանի վարչապետ Շահբազ Շարիֆը նույնպես նոյեմբերի 8-ին Բաքվում կլինեն։
Ադրբեջանն Արցախի դեմ ագրեսիայի տարելիցը կնշի ռազմական շքերթի անցկացմամբ։
Թարգմանությունը՝ Էմմա Չոբանյանի
