Հասարակություն
07.11.2025 | 13:32
Առավոտյան խուզարկել են էկոնոմիկայի նախկին նախարար Վահան Քերոբյանի բնակարանը, նա ձերբակալվել է։ Տեղեկությունը Factor.am-ի հետ զրույցում հաստատեց Քերոբյանի եղբայրը՝ Ավետիք Քերոբյանը։
Ինչո՞ւ է ձերբակալվել Վահան Քերոբյանը․ եղբոր խոսքով՝ «իրենք էլ չեն հասկանում»։
Ավետիք Քերոբյանն ասաց, թե տեղյակ չէ՝ իրավապահներն ի՞նչ են հայտնաբերել կամ առգրավել խուզարկության արդյունքում, միայն նշեց, որ ձերբակալությունը կապ չունի Քերոբյանի նախարարական գործունեության հետ։
Factor TV-ն փորձում է տեղեկությունը ճշտել նաև իրավապահ մարմիններից։ Հավելյալ մանրամասներ պարզելուն պես՝ կհրապարակենք։
Արփի Հակոբյան
