04.08.2026 | 16:07
Մեզ այդպիսի տեղեկություն հայտնի չէ․ ՀՀ ԱԳՆ խոսնակը՝ ԵՄ-ի միգրանտներին ՀՀ ուղարկելու առաջարկի մասին
«Թէատրոն» ֆրանկոֆոն միջազգային փառատոնի փակման արարողությունը՝ Գաֆէսճեան քանդակների պարտեզում․ ԼՈՒՍԱՆԿԱՐՆԵՐ
Մշակույթ
04.11.2025 | 17:40
Նոյեմբերի 3-ին Գաֆէսճեան քանդակների պարտեզում տեղի է ունեցել «Թէատրոն» կատարողական արվեստների ֆրանկոֆոն միջազգային փառատոնի փակման արարողությունը։ Միջոցառումն անցկացվել է ՀՀ արտաքին գործերի նախարարության աջակցությամբ։
Հիշեցնենք, որ մինչ այս տեղեկացրել էինք, որ փառատոնը , որ մեկնարկել էր հոկտեմբերի 22-ին, անց է կացվել Կապանում, Գորիսում և Գավառում։
«Համաշխարհային ճանաչում ունեցող ֆրանսիացի Յոան Բուրժուան ելույթ ունեցավ իր հայտնի «Կախման կետին մոտենալու փորձեր» պերֆորմանսով, իսկ միջազգային հիփ-հոփ աստղ, խորեոգրաֆ Կադեր Ատուի Accrorap ընկերությունը՝ «PRELUDE» բացօթյա պարային ներկայացմամբ։ Փառատոնի հիմնական բաղադրիչներն էին պարը, պերֆորմանսը և դրամատուրգիան»,- ասված է հաղորդագրությունում։
«Թէատրոն» կատարողական արվեստների ֆրանկոֆոն միջազգային փառատոնը նպատակ ունի ամրապնդելու մշակութային երկխոսությունը Հայաստանի և ֆրանկոֆոն աշխարհի միջև՝ ստեղծելով ստեղծագործական հանդիպումների և համագործակցությունների նոր հարթակ։ Փառատոնը կազմակերպում են ֆրանսիական «Սաթէ-Աթղը» թատերական միությունը և «Արտ-Իմաժ» մշակութային հասարակական կազմակերպությունը։ Փառատոնի գլխավոր հովանավորն է Երևանի քաղաքապետարանը։
