29.06.2026 | 23:29
Ալեն Սիմոնյանը պարգևատրել է պետական պահպանության ծառայության աշխատողներին
Մեսիի գեղեցիկ գոլը չի օգնել «Ինտեր Մայամիին». ՏԵՍԱՆՅՈՒԹ
Հասարակություն
02.11.2025 | 12:43
MLS-ի փլեյ-օֆֆի (1/8 եզրափակիչ) երկրորդ խաղում «Ինտեր Մայամին» մրցակցի խաղադաշտում 1:2 հաշվով պարտվել է «Նեշվիլին», որը երկու գոլերը խփել է առաջին խաղակեսում։
Հյուրերի գոլը 90-րդ րոպեին խփել է 38-ամյա արգենտինացի հարձակվող Լիոնել Մեսին։ Աշխարհի չեմպիոն Արգենտինայի հավաքականի ավագը դիմակայության առաջին խաղում դարձել էր դուբլի հեղինակ՝ օգնելով «Ինտեր Մայամիին» հաղթել 3։1 հաշվով։
Թիմերի վճռորոշ հանդիպումը կկայանա նոյեմբերի 8-ին։ Հաղթողը կնվաճի քառորդ եզրափակիչի ուղեգիր։
MLS-ի ընթացիկ մրցաշրջանում Լիոնել Մեսին մասնակցել է 30 հանդիպման, դարձել 32 գոլի ու 16 գոլային փոխանցման հեղինակ։ Օրեր առաջ «Ոսկե գնդակի» 8-ակի դափնեկիրը և ամերիկյան ակումբը երկարաձգել էին պայմանագրի ժամկետը մինչեւ 2028 թվականը։
