Զախարովան անդրադարձել է Վարդան Ղուկասյանի գործին

Ցանկանում եմ կրկնել այն, ինչի մասին խոսել ենք՝ Վարդան Ղուկասյանի հետ կապված իրավիճակը, Հայաստանի իրավապահ համակարգի աշխատանքը երկրի ներքին գործն է։ Այս մասին ամենշաբաթյա ճեպազրույցի ժամանակ հայտարարել է ՌԴ ԱԳՆ պաշտոնական ներկայացուցիչ Մարիա Զախարովան՝ մեկնաբանելով Գյումրիի քաղաքապետ Վարդան Ղուկասյանի նկատմամբ հարուցված քրեական գործը ՌԴ-ի հետ միութենական պետության հետ կապված։

Նա, սակայն, նշել է, որ Ռուսաստանի հետ համագործակցության շրջանակում ինչ-որ մեկին հաջողվել է տեսնել երկրի ինքնիշխանությունից հրաժարում։ Ըստ նրա՝ նման մեղադրանքները հատկապես տարօրինակ են հնչում հայ պաշտոնյաների և քաղաքական գործիչների բազմաթիվ հայտարարությունների ֆոնին, որոնք վերաբերում են Հայաստանի՝ ԵՄ անդամակցության ուղղությամբ շարժվելու մտադրությանը, ապրիլին Հայաստանում անդամակցության օրենքի ընդունմանը։

«ԵՄ անդամակցությունը ենթադրում է ինքնիշխանության սահմանափակում։ Հետաքրքիր է, թե ինչ են մտածում երկրի իրավապահ մարմիններն այս մասին։ Ի վերջո, ԵՄ-ին միանալն ուղղակիորեն ենթադրում է ազգային ինքնիշխանության սահմանափակում՝ արտաքին քաղաքականության, տնտեսության, միգրացիայի, դրամավարկային քաղաքականության և շատ այլ ոլորտներում։ Սակայն, չգիտես ինչու, ԵՄ-ին միանալու ձգտումների հետ կապված Հայաստանում քրեական պատասխանատվության մասին չի լսվում»,- հայտարարել է ռուսաստանցի պաշտոնյան։

Նա նշել է, որ երկրի արտաքին քաղաքականության քննարկումը «հանրային երկխոսության բնականոն ընթացք է, նման հայտարարությունները չպետք է հետապնդվեն»։

Թարգմանությունը՝ Էմմա Չոբանյանի