16.02.2026 | 16:59
Պայթյուն Թալինի բենզալցակայաններից մեկում․ այրվում են պահեստային բաքերը և մեկ բեռնատար ավտոմեքենա
Պուտինը պահանջել է Դոնեցկի մարզի լիակատար վերահսկողություն՝ որպես պատերազմի դադարեցման պայման․ The Washington Post
Քաղաքականություն
19.10.2025 | 10:55
Ռուսաստանի նախագահ Վլադիմիր Պուտինը հոկտեմբերի 16-ին ԱՄՆ նախագահ Դոնալդ Թրամփի հետ հեռախոսազրույցում պահանջել է, որ Ուկրաինան ամբողջությամբ հրաժարվի Դոնեցկի մարզից՝ որպես ռազմական գործողությունների դադարեցման պայման։ Այս մասին գրում է The Washington Post-ը՝ հղում անելով զրույցի ընթացքին ծանոթ երկու պաշտոնյաների։
Փոխարենը Պուտինը հայտնել է պատրաստակամություն՝ զիջելու Ռուսաստանի բանակի կողմից գրավված Զապորոժիայի և Խերսոնի մարզերի որոշ հատվածներ։ Թերթի գնահատմամբ՝ այս պահանջը «թեև փոքր-ինչ առավել սահմանափակ» էր, քան Պուտինի կողմից Ալյասկայում հնչեցված նախորդ պայմանները։ Սպիտակ տան որոշ ներկայացուցիչներ դա գնահատել են որպես առաջընթաց, նշել է թերթի աղբյուրը։
Հիշեցնենք՝ Պուտինն ու Թրամփը հեռախոսով խոսել են հոկտեմբերի 16-ին։ Երկու ժամ տևած զրույցից հետո հայտարարվել է, որ ղեկավարները պատրաստվում են հանդիպել Բուդապեշտում։
Հոկտեմբերի 17-ին Թրամփը Սպիտակ տանը հանդիպել է Ուկրաինայի նախագահ Վլադիմիր Զելենսկու հետ։ Զրույցի հիմնական թեման եղել է Կիևին տրամադրվող սպառազինությունը, այդ թվում՝ Tomahawk թևավոր հրթիռների հնարավոր փոխանցումը։ Axios-ի տվյալներով՝ Թրամփը մերժել է հռթիռների մատակարարումը և հասկացնել տվել, որ ներկայում իր առաջնահերթությունը դիվանագիտությունն է։ Իսկ Ուկրաինայի նախագահը նշել է, որ «Թրամփը ոչ «այո» է ասել, ոչ էլ «ոչ»»։
