02.11.2026 | 22:55
«Ադրբեջանում խոսքի ազատությունն ու անկախ քաղաքական գործունեությունը ճնշվում են». ԵԽԽՎ և ԵԱՀԿ ԽՎ ներկայացուցիչներ
Ադրբեջանը նախատեսում է մինչև 2030թ․ կրճատել պաշտպանության ծախսերը
Քաղաքականություն
16.10.2025 | 12:51
Ադրբեջանը մտադիր է մինչև 2030 թվականը պաշտպանության և ազգային անվտանգության բյուջետային ծախսերը կրճատել մինչև 7,969 միլիարդ մանաթի (4,69 միլիարդ դոլար), գրում են ադրբեջանական լրատվամիջոցները։
Ադրբեջանի ֆինանսների նախարարության կայքում հրապարակված միջնաժամկետ բյուջետային ծախսերի համաձայն՝ 2026 թվականին այդ նպատակներով ծախսերը կանխատեսվում են 8,715 միլիարդ մանաթի (5,12 մլրդ դոլար) մակարդակում։
Այսպիսով, Ադրբեջանի իշխանությունները 2026-2029 թվականների ընթացքում պաշտպանության և ազգային անվտանգության ծախսերը կկրճատեն 8,6%-ով: 2026 թվականին պաշտպանության ծախսերը կկազմեն պետական բյուջեի բոլոր ծախսերի 20,9%-ը: 2029 թվականին այս բաժինը կնվազի մինչև 18,4%-ի։
2025 թվականի համար Ադրբեջանի պետական բյուջեում պաշտպանության և ազգային անվտանգության ծախսերը կանխատեսվում են 8,396 միլիարդ մանաթ (4,94 մլրդ դոլար):
Թարգմանությունը՝ Էմմա Չոբանյանի
