07.12.2025 | 14:21
Մեսի․ Սա այն պահն է, որին ես սպասում էի
Զելենսկին Օդեսայում ռազմական վարչակազմ է ստեղծել․ այն կղեկավարի Սերգեյ Լիսակը
Քաղաքականություն
15.10.2025 | 14:39
Ուկրաինայի նախագահ Վլադիմիր Զելենսկին ստորագրել է Օդեսայի քաղաքային ռազմական վարչակազմ ստեղծելու և Սերգեյ Լիսակին դրա ղեկավար նշանակելու մասին հրամանագիր։ Փաստաթղթերը հրապարակվել են նախագահի աշխատակազմի պաշտոնական կայքում, գրում է The Insider-ը։
Ռազմական վարչակազմը ձևավորվել է ռազմական դրության մասին օրենքի հիման վրա։ Դրա ձևավորումը վստահվել է Ուկրաինայի զինված ուժերի գլխավոր շտաբին և Օդեսայի մարզային պետական վարչակազմին։
Սերգեյ Լիսակը կադրային ուժային է՝ մարտական փորձով։ Նա ղեկավարել է Ժիտոմիրի և Դնեպրոպետրովսկի մարզերի Անվտանգության ծառայության վարչությունները, մասնակցել Ուկրաինայի արևելքում տեղի ունեցած հակաահաբեկչական գործողություններին 2014-2015 և 2017 թվականներին (այսպես է Կիևն անվանում Ռուսաստանի կողմից աջակցվող զինված խմբավորումների դեմ ռազմական գործողությունները)։
2022 թվականի մարտին նրան շնորհվել է բրիգադի գեներալի կոչում։ 2023-ի փետրվարից նա ղեկավարում է Դնեպրոպետրովսկի մարզային ռազմական վարչությունը։ Հիմա արդեն նրա պարտականությունները ժամանակավորապես կկատարի նրա տեղակալ Վլադիսլավ Գայվանենկոն։
Հիշեցնենք, որ Զելենսկին նախօրեին հրամանագիր էր ստորագրել Օդեսայի քաղաքապետ Գենադի Տրուխանովի, նախկին պատգամավոր Օլեգ Ցարևի և բալետի արտիստ Սերգեյ Պոլունինի Ուկրաինայի քաղաքացիությունը չեղարկելու մասին: Նախագահը հաստատել էր փաստաթղթի ստորագրումը՝ նշելով, որ որոշումները պատրաստվել են որոշ անձանց հաստատված ռուսական քաղաքացիության վերաբերյալ: Ինքը՝ Տրուխանովը, հերքել է ռուսական անձնագիր ունենալը՝ մեղադրանքները որակելով քաղաքական դրդապատճառներով: Սակայն, «Պանամայի փաստաթղթերում» հայտնաբերվել է նրա անձնագրի սկանավորված տարբերակը, որը տրվել է Ռուսաստանի արտաքին գործերի նախարարության կողմից:
Նույն օրը Զելենսկին արձագանքել էր Օդեսայում քաղաքային ռազմական վարչակազմ ստեղծելու մասին սեպտեմբերի 24-ին ներկայացված և ավելի քան 25,000 ստորագրություն հավաքած խնդրագրին։ Նա նշել էր, որ նման դիմումներ դեռևս չեն ստացվել տարածաշրջանային իշխանություններից կամ ռազմական հրամանատարությունից, և հանձնարարել ստուգել նախաձեռնության հիմնավորվածությունը։
Թարգմանությունը՝ Էմմա Չոբանյանի
