Զելենսկին Օդեսայի քաղաքապետին զրկել է Ուկրաինայի քաղաքացիությունից․ պատճառը, ենթադրաբար, նրա ռուսական անձնագիրն է

Լուրեր

21.11.2026 | 21:28
Դենիս Ջորկաեֆը` ՀՖՖ նախագահի թեկնածու
21.11.2026 | 20:05
3,1 միլիոնի շուրջ կասկածներ․ ինչպե՞ս են հաշվում բնակչության թիվը․ ԱՉՔԻ ՏԱԿ
21.11.2026 | 19:41
GTA VI-ն ռեկորդային վաճառք է գրանցել՝ մեկ օրում ապահովելով 3,79 միլիարդ դոլարի եկամուտ
21.11.2026 | 19:12
Քննարկվել են Հայաստան-Մալթա հարաբերությունների հետագա խորացման հարցեր
21.11.2026 | 19:01
Այսօրվա Երևանն ագրեսիվ քաղաք է, մենք ենք փոխվել, դրան զուգահեռ՝ քաղաքը․ Էմ Կալմուխյան. ՏԵՍԱՆՅՈՒԹ
21.11.2026 | 18:54
Կենտրոնում ամբողջ շաբաթ փոշու պարունակությունը գերազանցել է սահմանային շեմը
21.11.2026 | 18:23
Հայաստանը և Իրանը պայմանավորվել են ընդլայնել համագործակցությունը բարձր տեխնոլոգիաների և նորարարության ոլորտներում
21.11.2026 | 18:02
Փաշինյանն ընդունել է Dell Technologies-ի տարածաշրջանային նախագահին․ քննարկվել են Հայաստանում նոր ներդրումների հնարավորությունները
21.11.2026 | 17:57
Վարչապետը հանդիպում է ունեցել է Խաղաղության Նոբելյան մրցանակակիր Քայլաշ Սաթյարթիի հետ
21.11.2026 | 17:46
ՏԻՄ ընտրությունների նախընտրական փուլում արձանագրվել է 43 միջադեպ և խախտում․ «Անկախ դիտորդ»
21.11.2026 | 17:18
Ինչ եղանակ է սպասվում առաջիկա օրերին
21.11.2026 | 16:54
Ակրոպոլիսի թանգարանում բացվել է հին Հայաստանին նվիրված բացառիկ ցուցահանդես
21.11.2026 | 16:37
Հրդեհ Եղվարդ քաղաքում. հրշեջ-փրկարարները կանխել են հրդեհի տարածումը դեպի հարակից բնակելի տուն
21.11.2026 | 15:35
Վաղը պաշտոնապես կազդարարենք ԹՐԻՓՓ նախագծի մեկնարկը․ Նիկոլ Փաշինյան
21.11.2026 | 15:08
Նոյեմբերի 22-ին և 25-ին Հայաստանում սպասվում են ինտենսիվ տեղումներ և ուժեղ քամի
Բոլորը

Ուկրաինայի նախագահ Վլադիմիր Զելենսկին հրամանագիր է ստորագրել Օդեսայի քաղաքապետ Գենադի Տրուխանովին քաղաքացիությունից զրկելու մասին։ Այս մասին հաղորդում է «Единые новости»-ին՝ հղում անելով կառավարության աղբյուրներին, փոխանցում է Meduza-ն։

Հաղորդագրության մեջ նշվում է, որ քաղաքացիությունից զրկվել են նաև Գերագույն ռադայի նախկին պատգամավոր Օլեգ Ցարևը և բալետի արտիստ Սերգեյ Պոլունինը։

Ինքը՝ Զելենսկին, դեռևս չի հաստատել տեղեկությունը։ Ուկրաինայի անվտանգության ծառայության ղեկավար Վասիլ Մալյուկի հետ հանդիպումից հետո Ուկրաինայի նախագահը, առանց անուններ նշելու, հայտարարել է, որ «որոշ անձանց» մոտ հաստատվել է «Ռուսաստանի քաղաքացիություն» ունենալու հանգամանքը, և որ համապատասխան հրամանագրերը պատրաստվել են։ Զելենսկիի գրասենյակը  հայտնել է, որ այդ հրամանագրերը բաց չեն հրապարակվում, քանի որ դրանք պարունակում են անձնական տեղեկություններ։

Հոկտեմբերի 13-ին Գենադի Տրուխանովը հայտարարել  էր, որ իրեն զրկում են Ուկրաինայի քաղաքացիությունից, քանի որ նա ունի ռուսական անձնագիր: Նրա խոսքով՝ «սա նոր հարց չէ. այն բարձրացվում է 2014 թվականից»:

«2014 թվականից ի վեր ես անընդհատ բացատրել եմ, որ չունեմ և երբեք չեմ ունեցել Ռուսաստանի քաղաքացիություն: Ինձ հետաքննել են Ուկրաինայի բոլոր համապատասխան մարմինները»,- հայտարարել է նա։

«Суспільне»-ին տված հարցազրույցում Տրուխանովը նաև պնդել է, որ ստացել է դիվանագիտական ​​​​ներկայացուցչություններից պատասխաններ, դատարանի որոշումներ և այլ փաստաթղթեր, որոնցում նշվում է, որ ինքը չունի Ռուսաստանի քաղաքացիություն: Նա նաև պատրաստակամություն է հայտնել անցնել պոլիգրաֆիկ թեստ կամ այլ թեստեր՝ դա ապացուցելու համար:

Հոկտեմբերի 13-ին Ուկրաինայի նախագահի կայքում հրապարակվել էր Տրուխանովին քաղաքացիությունից զրկելու կոչով խնդրագիր։ 24 ժամվա ընթացքում դրան աջակցել էր ավելի քան 28,000 մարդ։

Գենադի Տրուխանովն Օդեսայի քաղաքապետն է 2014 թվականի մայիսից։ Քաղաքացիությունից զրկվելուց հետո նա հարկադրված կլինի հրաժարական տալ։

Հոկտեմբերի 14-ին Զելենսկին նաև հանձնարարել էր Ուկրաինայի զինված ուժերի գերագույն հրամանատար Ալեքսանդր Սիրսկիին և մարզային վարչակազմի ղեկավար Օլեգ Կիպերին քննարկել Օդեսայում քաղաքային ռազմական վարչակազմ ստեղծելու հարցը։ Բնակիչներն այդ կոչն անում էին սեպտեմբերի 24-ին նախագահի կայքում հրապարակված մեկ այլ խնդրագրով։

Թարգմանությունը՝ Էմմա Չոբանյանի