03.11.2026 | 23:29
Թրամփը հայտարարել է, որ ԱՄՆ-ը կդադարեցնի Իսրայելին տարեկան 4 միլիարդ դոլարի օգնության տրամադրումը
Հանցագործություն է տեղի ունեցել մարդու իրավունքների, բնության նկատմամբ. բնապահպան․ ՏԵՍԱՆՅՈՒԹ
Հասարակություն
13.10.2025 | 17:02
«Ես այսօր հայտարարություն եմ անում հանցագործության մասին․ հանցագործություն է տեղի ունեցել մեր ժողովրդավարության, մարդու իրավունքների և բնապահպանության նկատմամբ»,- այսօր հայտարարեց բնապահպան-իրավաբան Նազելի Վարդանյանը՝ անդրադառնալով Արարատի մարզի Վեդի համայնքի Գինեվետ գյուղում այսօր հրավիրված հանրային լսումներին։
«Լսումները ազատ մասնակցության հիման վրա անցկացվող միջոցառում է, որտեղ յուրաքանչյուրը պետք է իր հարցը տա, իր կարծիքը արտահայտի։ Հարցեր տվեցինք, պատասխան չստացանք, խոսք տվեցին որ ելույթներ կլինեն, բայց ելույթներ չեղան։
Տեղական ինքնակառավարաման մարմինների ներկայացուցիչները կողմնակալ վերաբերմունք ունեին այս ամեն ինչի նկատմամբ, հարցերին իրենք էին պատասխանում, բնապահպանական նորմերի խախտումներ ենք այսօր տեսել»,- նշեց Վարդանյանը։
Նշենք, որ Արարատի մարզի Վեդի համայնքի Գինեվետ գյուղում այսօր հրավիրված հանրային լսումն անցավ լարված մթնոլորտում։ Տեղական ինքնակառավարման մարմինները և «Օրդ Գրուպ» ՍՊԸ-ն հանրային լսում էին հրավիրել՝ Կարմիր սարի կրաքարային մերգելների օգտակար հանածոյի արդյունահանման աշխատանքների վերաբերյալ։ Այսօր 1-ին լսման օրն էր: Համայնքի կողմից դրական եզրակացություն ստանալուց հետո ընկերությունը պետք է փորձագիտական հետազոտություն իրականացնի և երկրորդ լսումը հրավիրի։
Մանրամասները՝ տեսանյութում։
