16.11.2024 | 13:22
Վահագն Խաչատուրյանը հանդիպել է ԱՀԿ գլխավոր տնօրենի հետ
Զինծառայողին ինքնասպանության հասցնելու գործով Ա. Սաքունցը ճառով հանդես եկավ և նշեց, որ տուժող կողմը ամբաստանյալների մեղքն ապացուցված է համարում. ՀՔԱՎ
Հասարակություն
25.10.2018 | 20:50
2018 թ. հոկտեմբերի 17-ին Սյունիքի մարզի ընդհանուր իրավասության դատարանում զինծառայող Գևորգ Խաչատրյանին ինքնասպանության հասցնելու գործով տուժող կողմը ներկայացրեց դատական ճառը:
Տուժողի իրավահաջորդի ներկայացուցիչ, ՀՔԱ Վանաձորի գրասենյակի նախագահ Արթուր Սաքունցը ճառում նշեց, որ տուժող կողմը ամբաստանյալների մեղավորությունն իրենց մեղսագրվող արարքում ապացուցված է համարում և ներկայացրեց դրա հիմնավորումները:
Ա. Սաքունցը նախ անդրադարձավ գործի շրջանակում հարցաքննված վկաների ու տուժողների ցուցմունքներին ու դրանց հակասություններին: Դիրքորոշում հայտնեց, որ արժանահավատ չեն համարում նրանց այն պնդումները, թե նախաքննական ցուցմունքները տվել են քննիչի հոգեբանական ճնշման ներքո, և դրանով է պայմանավորված հակասությունը:
Տուժող կողմը անտրամաբանական համարեց քննիչի միջամտությունը և տեսակետ հայտեց, որ ցուցմունքներն այնպիսի մանրամասնություններով են գրված, որ քննիչը չէր կարող նման մանրամասնություններով ցուցմունքներ թելադրել: Բացի դրանից՝ դա անելու քննիչի շարժառիթը պարզ չէ, իսկ դրա վերաբերյալ դատախազի տված հաղորդման հիման վրա հարուցված քրեական գործը կարճվել է, քանի որ հիմնավորվել է, որ քննիչները վկաներին ու տուժողներին չեն ուղղորդել:
