05.12.2025 | 14:04
Հայտնաբերվել է Արմավիրի մարզում 42–ամյա կնոջը կյանքից զրկած տղամարդը
Ադրբեջանում քաղբանտարկյալների թիվը գերազանցել է 390-ը
Քաղաքականություն
08.10.2025 | 19:33
«Ազատություն Ադրբեջանի քաղբանտարկյալներին» միությունը հրապարակել է քաղբանտարկյալների նոր ցուցակը։ Ադրբեջանական լրատվամիջոցների հաղորդմամբ՝ դրանում ներառված է 392 անձի անուն։ Սա 17-ով ավելի է, քան միության կողմից 2025 թվականի հունիսի 10-ին հրապարակված ցուցակը։ Միության կողմից նախկինում ներկայացված ցուցակում կար 375 անձի անուն։
Քաղբանտարկյալների նոր ցուցակը պատրաստել են Խաղաղության և ժողովրդավարության ինստիտուտի տնօրեն Լեյլա Յունուսը և քաղբանտարկյալների մոնիթորինգի կենտրոնի ղեկավար Էլշան Հասանովը։
Ցանկը բաժանված է 12 խմբի՝
լրագրողներ և բլոգերներ – 31 մարդ
մարդու իրավունքների պաշտպաններ – 7 մարդ
ընդդիմադիր կուսակցությունների և քաղաքացիական հասարակության անդամներ – 39 մարդ
ազգային փոքրամասնությունների ակտիվիստներ – 5 մարդ
հակապատերազմական ակտիվիստներ – 2 մարդ
Սոյուդլու գյուղի գործո» – 2 մարդ
Գերմանիայից արտաքսված քաղաքական ներգաղթյալներ – 5 մարդ
«Իմիշլիի գործով» ձերբակալվածներ – 19 մարդ
կրոնական անձինք՝հավատացյալներ – 249 մարդ
«Տերտերի գործով» – 8 մարդ
«Գյանջայի գործով» – 13 մարդ
ցմահ ազատազրկման դատապարտվածներ – 12 մարդ։
Հեղինակները նշել են, որ ցուցակը կազմվել է «քաղաքական բանտարկյալ» հասկացության սահմանման չափանիշների հիման վրա, որոնք սահմանված են Եվրոպայի խորհրդի խորհրդարանական վեհաժողովի կողմից 2012 թվականի հոկտեմբերին կայացած նստաշրջանում ընդունված թիվ 1900 համապատասխան բանաձևում։
Ադրբեջանի իշխանությունները հերքում են, թե երկրում կան քաղբանտարկյալներ՝ նշելով, որ ոչ ոք բանտարկված չէ իր տարբեր կարծիքների կամ քաղաքական դիրքորոշումների համար, այլ կոնկրետ քրեական արարքների համար։
Թարգմանությունը՝ Էմմա Չոբանյանի
