05.12.2025 | 17:03
Որքան մարդ է ծնվել և մահացել ՀՀ-ում 2024 թվականին
Վրաստանում տեղի է ունեցել հեղափոխության հինգերորդ փորձը, մենք չենք սպասի վեցերորդին. Կոբախիձե
Քաղաքականություն
06.10.2025 | 23:19
Վրաստանում վերջին չորս տարվա ընթացքում հեղափոխության հինգերորդ փորձը տեղի է ունեցել հոկտեմբերի 4-ին, երբ ցուցարարները գրոհել են նախագահի նստավայրը: ՏԱՍՍ-ի փոխանցմամբ՝ այս մասին հայտարարել է Վրաստանի վարչապետ Իրակլի Կոբախիձեն։
«Այս չորս տարիների ընթացքում մենք մեր երկրում տեսանք հեղափոխություն անելու հինգերորդ փորձը։ Եվ այս դեպքում այն աջակցվել է դրսից»,- հայտարարել է Կոբախիձեն «Ռուսթավի-2» հեռուստաալիքի եթերում։
Ինչպես նշել է Կոբախիձեն, այս անգամ էլ պետությունը դիմացել է և կանխել հեղափոխությունը։
«Մենք չենք սպասի վեցերորդ, յոթերորդ և ութերորդ փորձերին», – հայտարարել է Կոբախիձեն:
Հիշեցնենք՝ Թբիլիսիում հոկտեմբերի 4-ին՝ մունիցիպալ ընտրությունների օրը, տեղի է ունեցել ընդդիմության հանրահավաքը։ Կազմակերպիչները բեմից կոչ են արել «տիրանալ նախագահի նստավայրի բանալիներին», որից հետո ցուցարարների մի մասը շարժվել է դեպի մոտակայքում գտնվող նստավայր: Ցուցարարները քանդել են ցանկապատը, սակայն նրանց հետ են մղել հատուկջոկատայինները, որոնք կիրառել են ջրցան մեքենաներ և արցունքաբեր գազ։ Ոստիկանությունը հոկտեմբերի լույս 5-ի գիշերը ձերբակալել է ակցիայի հինգ նախաձեռնողների՝ իշխանությունը տապալելու և խմբակային բռնություն կազմակերպելու կոչերի համար:
