11.09.2026 | 23:28
Վարչապետը խարույկի շուրջ հանդիպում է ունեցել հեծանվավազքի «Վարչապետի գավաթ»-ի մասնակիցների հետ
Թբիլիսիում ցուցարարները ներխուժել են նախագահական պալատի բակ
Քաղաքականություն
04.10.2025 | 19:27
Վրաստանի մայրաքաղաքում ցուցարարները ներխուժել են նախագահական պալատի բակ։ Այս մասին հայտնում է ՏԱՍՍ-ի թղթակիցը ։
Պալատի բակում քաշքշուկ է սկսվել ցուցարարների և ոստիկանների միջև։ Ոստիկանները փորձում են հետ մղել ցուցարարներին՝ կիրառելով պղպեղի գազ։ Ցուցարարները նահանջում են, բայց նոր ուժերով փորձում են նորից գրոհել։ Նրանք ճեղքել են ցանկապատը։
Նախկին օպերային երգիչ, ընդդիմության կողմնակից Պաատա Բուրչուլաձեն Թբիլիսիում կայացած հանրահավաքում հանդես է եկել հայտարարությամբ, որ երկրի ներկայիս իշխանությունները լեգիտիմ չեն:
Նրա խոսքով ՝ իշխանությունը պատկանում է ժողովրդին, և այն պետք է նրան վերադարձվի։ Բուրչուլաձեն պահանջել է ձերբակալել և դատարանին հանձնել Վրաստանի վարչապետ Իրակլի Կոբախիձեին, խորհրդարանի խոսնակ Շալվա Պապուաշվիլիին, պետական անվտանգության ծառայության ղեկավար Մամուկա Մդինարաձեին, խորհրդարանի փոխխոսնակ Թեա Ծուլուկիանիին, իշխող «Վրացական երազանք-Ժողովրդավարական Վրաստան» կուսակցության հիմնադիր և պատվավոր նախագահ Բիձինա Իվանիշվիլիին և պետական պահպանության հատուկ ծառայության ղեկավար Անզոր Չուբինիձեին:
Ընդդիմության մի քանի հազար կողմնակիցներ, քաղաքացիական ակտիվիստներ հանրահավաք են անցկացնում Թբիլիսիում ՝ հանդես գալով տեղական մարմինների ընտրությունների դեմ:
Հիշեցնենք՝ Վրաստանում տեղական ինքնակառավարման մարմինների ընտրություններ են։
