31.10.2026 | 12:34
Կյանքի թանկացման դեմ բողոքի ցույցերը տարածվում են Եվրոպայում․ ակցիաներ են եղել նաև Իտալիայի ավելի քան 60 քաղաքում
Կաշառք ստանալուն օժանդակելու գործով կալանավորված փաստաբանն Արմինե Հարությունյանն է
Հասարակություն
04.10.2025 | 16:36
Հակակոռուպցիոն կոմիտեից հաստատեցին Factor TV-ի տեղեկությունը փաստաբանի կալանավորման վերաբերյալ։ Կառույցից հայտնում են. իրենց մոտ քննվող քրեական վարույթի շրջանակում ձերբակալված՝ ՀՀ փաստաբանների պալատի անդամ փաստաբանը կալանավորվել է դատական իշխանության ներկայացուցչի կողմից ապօրինի գործողության դիմաց կաշառք ստանալուն օժանդակելու մեղադրանքով, այլ մանրամասներ, այդ թվում՝ փաստաբանի անունը չհայտնելով:
Այնուամենայիվ, իրավապահ համակարգում Factor TV-ի աղբյուրների փոխանցմամբ՝ կալանավորվածը փաստաբան Արմինե Հարությունյանն է: Նա մեղադրանքը չի ընդունել: Նրա պաշտպանը մեզ հետ զրույցում ասաց, որ գործում առկա չէ որևէ տվյալ Հարությունյանի կողմից իրեն վերագրված արարքը կատարելու վերաբերյալ, ավելին, այն գումարը, որը քրեական վարույթի շրջանակներում համարվում է կաշառքի գումար, պաշտպանյալը Հարությունյանին վճարել է որպես ծառայությունների մատուցման գումար, առկա է նաև դրա հարկը վճարված լինելը հավաստող ապացույց:
Factor TV-ն պարզել է նաև, որ Արմինե Հարությունյանի վերաբերյալ դատարանում քննվում է ևս մեկ քրեական գործ որը, սակայն, դռնփակ է:
Արաքս Մամուլյան
