07.12.2025 | 21:40
Վարդենյաց լեռնանցքում ձյուն է տեղում. Դիլիջանի, Սպիտակի ոլորաններում մառախուղ է
ԱԺ արտահերթ նիստը կգումարվի Հայաստանի և Ադրբեջանի միջև խաղաղության հաստատման վերաբերյալ հայտարարության նախագիծ ընդունելու օրակարգով
Քաղաքականություն
02.10.2025 | 12:39
Այսօր՝ ԱԺ լիագումար նիստի ավարտից անմիջապես հետո խորհրդարանն արտահերթ նիստ կգումարի։ Արտահերթ նիստի օրակարգում Հայաստանի և Ադրբեջանի միջև խաղաղության հաստատման վերաբերյալ հայտարարության նախագիծն է։ Այս մասին Factor.am-ը տեղեկացավ ԱԺ-ի կայքից։
Համապատասխան որոշումը ստորագրել է ՀՀ ԱԺ նախագահ Ալեն Սիմոնյանը։
Նշենք նաև, որ «Հայաստան» խմբակցությունն էլ հայտարարություն է տարածել՝ տեղեկացնելով, որ ՔՊ նախաձեռնած՝ Վաշինգտոնյան պայմանավորվածությունների վերաբերյալ արտահերթ նիստին չեն մասնակցելու։
Ընդդիմադիր խմբակցությունն տարածած հայտարարության մեջ նշվում է, որ «ՔՊ-ի նախաձեռնած նախագիծը ոչ միայն առնչություն չունի իրական խաղաղության հետ, որն այդքան անհրաժեշտ է մեր երկրին»։ Ըստ «Հայաստան» խմբակցության՝ այդ նախագիծը չի համապատասխանում իրավական, քաղաքական և Հայաստանի ու հայ ժողովրդի անվտանգ կենսագործունեության նվազագույն պահանջներին:
