07.09.2026 | 13:33
Պուտինը զանգահարել է Ալիևին․ քննարկվել են առևտրատնտեսական ու հումանիտար հարցեր
Պուտինն աշնանային զորակոչի մասին հրամանագիր է ստորագրել. 135,000 մարդ կզորակոչվի բանակ
Քաղաքականություն
29.09.2025 | 19:51
Ռուսաստանի նախագահ Վլադիմիր Պուտինը հրամանագիր է ստորագրել Ռուսաստանի քաղաքացիների աշնանային զորակոչի մասին: Փաստաթուղթը հրապարակվել է իրավական տեղեկատվության պաշտոնական պորտալում, գրում է Meduza-ն։
Հրամանագրի համաձայն՝ զորակոչը տեղի կունենա 2025 թվականի հոկտեմբերի 1-ից մինչև դեկտեմբերի 31-ը: Զինվորական ծառայության կզորակոչվի 18-ից 30 տարեկան 135,000 մարդ:
Սեպտեմբերի 22-ին Ռուսաստանի զինված ուժերի գլխավոր շտաբի կազմակերպչական և զորահավաքային գլխավոր վարչության պետի տեղակալ, փոխծովակալ Վլադիմիր Ցիմլյանսկին հայտարարել էր, որ աշնանային զորակոչի համար զորակոչիկները կուղարկվեն միայն Ռուսաստանի տարածքում գտնվող տեղակայման կետեր ծառայության և չեն ներգրավվի «հատուկ ռազմական գործողության» մեջ (այսպես է Մոսկվան անվանում Ուկրաինայում պատերազմը)։
Նա նաև հավելել է, որ աշնանային զորակոչի արշավը կանցկացվի միասնական զինվորական գրանցման գրանցամատյանի միջոցով։ Զորակոչի ընթացքում քաղաքացիներին տեղեկացնելու համար կօգտագործվեն նաև թղթային ծանուցագրեր։
2024 թվականին աշնանային զորակոչի ժամանակ զինվորական ծառայության էր կանչվել 133,000 մարդ։ Իսկ ահա 2025 թվականի գարնանային զորակոչի ժամանակ ծառայության էր ուղարկվել 160,000 տղամարդ։
Թարգմանությունը՝ Էմմա Չոբանյանի
