03.11.2026 | 23:29
Թրամփը հայտարարել է, որ ԱՄՆ-ը կդադարեցնի Իսրայելին տարեկան 4 միլիարդ դոլարի օգնության տրամադրումը
Մերձմոսկվայում ԱԹՍ-ների հարձակման հետևանքով 2 մարդ է զոհվել․ ՏԵՍԱՆՅՈՒԹ
Քաղաքականություն
29.09.2025 | 12:30
ՌԴ Մոսկվայի մարզի նահանգապետ Անդրեյ Վորոբյովը հայտնել է, որ սեպտեմբերի լույս 29-ի գիշերը ՀՕՊ ուժերը Վոսկրեսենսկի և Կոլոմնայի տարածքում խոցել են չորս անօդաչու թռչող սարք, գրում է Meduza-ն։
Նրա խոսքով՝ Վոսկրեսենսկում անօդաչու թռչող սարքի հարձակումից հետո հրդեհ է բռնկվել մասնավոր տանը։ Զոհվել են 76-ամյա կին և նրա 6-ամյա թոռը։ Վորոբյովը չի մանրամասնել՝ անօդաչու թռչող սարքը հարվածել է տա՞նը, թե՞ դրա վրա ընկել են խփված անօդաչուի բեկորները։
«Осторожно, Москва» տելեգրամ ալիքը հաղորդել է, որ Վոսկրեսենսկի բնակիչները լսել են «առնվազն 10 պայթյունի նմանվող ձայն»:
Ռուսաստանի Պաշտպանության նախարարությունը հայտնել է, որ ՀՕՊ համակարգերը գիշերը որսացել և ոչնչացրել են ուկրաինական 84 անօդաչու թռչող սարք։ Ամենաշատ անօդաչու թռչող սարքերը խոցվել են Բրյանսկի (24) և Բելգորոդի (21) մարզերի տարածքում։
Ուկրաինական Supernova+ տելեգրամ ալիքը պնդում է, որ Բրյանսկի մարզի Կարաչևսկի շրջանում գտնվող «Էլեկտրոդետալ» գործարանը վնասվել է գիշերային հարձակման ժամանակ:
Այն «Ռադիոէլեկտրոնային տեխնոլոգիաներ» կոնցեռնի մաս է կազմում և մասնագիտացած է էլեկտրական միակցիչների մշակման և արտադրության մեջ, որոնք, ի թիվս այլ բաների, օգտագործվում են ռազմական արդյունաբերության մեջ։
Մարզային իշխանությունները պաշտոնապես չեն հաստատել գործարանի վրա հարձակումը։ Նահանգապետ Ալեքսանդր Բոգոմազը գիշերը հայտնել է Կարաչևսկի շրջանում հրթիռային սպառնալիքի մասին:
Թարգմանությունը՝ Էմմա Չոբանյանի
