20.08.2026 | 13:45
Փաշինյանը ներկայացրեց, թե ինչու են փոխվում ԱԳ, ԲՏԱ և ԱՍՀ նախարարությունների անունները․ ՏԵՍԱՆՅՈՒԹ
Թուրքիայի կրթության նախարարն Արցախ է այցելել
23.09.2025 | 22:47
Թուրքիայի կրթության նախարար Յուսուֆ Թեքինի գլխավորած պատվիրակությունն Ադրբեջանի գիտության և կրթության նախարար Էմին Ամրուլլաևի ուղեկցությամբ այցելել է Արցախ։ Ադրբեջանական լրատվամիջոցների հաղորդմամբ՝ այցի ընթացքում թուրքական պատվիրակությունը եղել է երեք ավագ դպրոցներում՝ Շուշիում, Ֆիզուլիում և Աղդամում, «ծանոթացել ստեղծված ժամանակակից ուսումնական միջավայրին»։
Հաղորդվում է, որ Թեքինը «բարձր է գնահատել կրթական ենթակառուցվածքների արագ բարելավումը»։
Թուրքիան և Ադրբեջանը նաև մասնագիտական և տեխնիկական կրթության ոլորտում համագործակցության մասին արձանագրություն են ստորագրել թուրք նախարարի՝ Ստեփանակերտ կատարած այցի ժամանակ։ Այստեղ նա այցելել է նաև Արցախի պետական համալսարան, որն Ադրբեջանի իշխանությունները վերանվանել են Ղարաբաղի համալսարան։
Յուսուֆ Թեքինը նշել է, որ Թուրքիայի և Ադրբեջանի նախագահների միջև բանակցություններից հետո համաձայնություն է ձեռք բերվել Ղարաբաղում թուրքական դպրոց կառուցելու վերաբերյալ: Աղդամը և այլ հարմար տարածքներ դիտարկվում են որպես դրա համար հնարավոր վայր։
Թարգմանությունը՝ Էմմա Չոբանյանի
