07.09.2026 | 17:42
Բաքուն Սոթքի հանքավայրի ադրբեջանական հատվածում իրականացրել է առաջին հորատապայթեցման աշխատանքները
Ով կարող է լինել ՀՀ-ում Իրանի նոր դեսպանը
Քաղաքականություն
22.09.2025 | 15:20
Հայաստանում Իրանի դեսպան Մեհդի Սոբհանիի առաքելության ավարտից հետո, հնարավոր է, նրան այդ պաշտոնում փոխարինի Խալիլ Շիրղոլամին։ Այս մասին հայտնում է իրանական Tasnim գործակալությունը
Նշվում է, որ նա ներկայում Իրանի ԱԳՆ Քաղաքական և միջազգային հետազոտությունների կենտրոնի հետազոտությունների և ուսումնասիրությունների գծով փոխտնօրենն է։ Սա կլինի նրա առաջին առաքելությունը որպես դեսպան։
Ավելի վաղ, ՀՀ վարչապետի գրասենյակը հայտարարել էր, որ Նիկոլ Փաշինյանը հանդիպել է առաքելությունն ավարտող Իրանի Իսլամական Հանրապետության դեսպան Մեհդի Սոբյանիի հետ։ Փաշինյանը գոհունակություն է հայտնել վերջին տարիներին երկու հարևան երկրների միջև կառուցողական համագործակցության կապակցությամբ։
Փաշինյանը նաև անդրադարձել է Իրանի նախագահ Մասուդ Փեզեշքիանի՝ վերջերս Երևան կատարած այցին՝ այն անվանելով երկկողմ հարաբերությունների զարգացման և ընդլայնման շրջադարձային պահ, որը «նոր խթան» է հաղորդել երկու երկրների միջև համագործակցությանը։
Թարգմանությունը՝ Էմմա Չոբանյանի
