07.09.2026 | 16:19
Կոբախձեին մեկնաբանել է Վրաստանի վարչապետի պաշտոնից հնարավոր հրաժարականի մասին լուրերը
Անօրինական ներգաղթի դեմ ցույցը Հաագայում վերածվել է զանգվածային բախումների ոստիկանության հետ
Քաղաքականություն
21.09.2025 | 12:25
Հաագայում տեղի ունեցած ներգաղթի դեմ ցույցը, որին մասնակցել են հարյուրավոր մարդիկ, վերածվել է անկարգությունների։ Ցուցարարները բախումներ են ունեցել ոստիկանության հետ, մեքենա են այրել և ավերել քաղաքական կուսակցություններից մեկի գրասենյակը, փոխանցում է Euronews-ը։
Անկարգությունների մասնակիցները, որոնց մեծ մասը հագել էր սև հագուստ և ծածանում էր Նիդեռլանդների պետական ու ծայրահեղ աջ խմբավորումների դրոշներ, քարեր և շշեր են նետել ոստիկանների վրա, ինչպես նաև հրկիզել են ոստիկանության պարեկային մեքենան։ Ոստիկանությունը արձագանքել է արցունքաբեր գազի և ջրցան մեքենաների կիրառմամբ՝ ամբոխը ցրելու նպատակով։
Ցուցարարները նաև կարճ ժամանակով փակել են փողոցներից մեկը և հարձակվել են կենտրոնամետ ձախ «Դեմոկրատներ 66» կուսակցության գրասենյակի վրա՝ կոտրելով մի քանի պատուհաններ։
Հիշեցնենք՝ հոկտեմբերի 29-ին Նիդեռլանդներում արտահերթ ընտրություններ են անցկացվելու։ Դրանք նշանակվել են այն բանից հետո, երբ երկրի կառավարությունը կազմալուծվել է՝ ներգաղթի քաղաքականության հարցում տարաձայնությունների պատճառով՝ ծայրահեղ աջ «Ազատություն» կուսակցության ղեկավար Գեերտ Վիլդերսի հետ, որը հետ էր կանչել իր նախարարներին։
Վիլդերսը, որը մերժել էր ցույցի ընթացքում ելույթ ունենալու հրավերը, բռնությունները որակել է որպես «անընդունելի»։
