16.07.2026 | 12:26
Ժաննա Անդրեասյանը ծանոթացել է Ծիծեռնակաբերդի բարեկարգման երկրորդ փուլի աշխատանքներին
Ուկրաինական բանակը հայտնել է Կուրսկի մարզում 810-րդ առանձին ծովային հետևակի բրիգադի լոգիստիկ կենտրոնին հարվածելու մասին․ ՏԵՍԱՆՅՈՒԹ
Քաղաքականություն
19.09.2025 | 11:22
Ուկրաինայի զինված ուժերի հատուկ նշանակության գործողությունների ուժերը հայտարարել են, որ սեպտեմբերի լույս 18-ի գիշերը հարված են հասցրել ՌԴ Կուրսկի մարզում տեղակայված 810-րդ առանձին ծովային հետևակի բրիգադի լոգիստիկ հանգույցին, գրում է Current time-ը։
Ուկրաինացի զինվորականների պնդմամբ՝ հարվածը վնասել է նյութերի պահեստային բազան, զինամթերքի պահեստները և ստորաբաժանման զենքի ու ռազմական տեխնիկայի գաղտնի վայրերը։
810-րդ առանձին բրիգադը տեղակայված է բռնակցված Սևաստոպոլում: ՌԴ-ի կողմից Ուկրաինա լայնածավալ ներխուժումից հետո այս բրիգադի զինվորները մասնակցել են Մելիտոպոլի, Բերդյանսկի, Վոլնովախայի և Մարիուպոլի համար մղված մարտերին: Верстка-ի տվյալներով՝ բրիգադն ամենամեծ կորուստներն է կրել Կուրսկի մարզում Ուկրաինայի զինված ուժերի հետ մարտերում:
Ուկրաինայի ԶՈՒ-ի տվյալներով՝ ստորաբաժանման զինծառայողները ներկայումս ակտիվորեն մասնակցում են Հյուսիսային Սլոբոժանսկի ուղղությամբ իրականացվող հարձակողական գործողություններին, ներգրավված են նաև ռազմական հանցագործությունների մեջ, այդ թվում՝ ուկրաինացի ռազմագերիների մահապատժի։
Հավելենք, որ 2025 թվականի հունվարին Ուկրաինայի զինված ուժերը հարված էին հասցրել Կուրսկի մարզի Բելայա բնակավայրի մոտ գտնվող 810-րդ բրիգադի հրամանատարական կետին։
Թարգմանությունը՝ Էմմա Չոբանյանի
