29.04.2026 | 00:57
Չեմպիոնների լիգա․ ՊՍԺ-ն գերգոլառատ խաղում հաղթեց «Բավարիային». ՏԵՍԱՆՅՈՒԹ
ՌԴ-ն անփոփոխ հանդես է գալիս Հայաստանի և Թուրքիայի հաշտեցման օգտին․ Զախարովա
Քաղաքականություն
18.09.2025 | 18:09
Ռուսական կողմն անփոփոխ հանդես է գալիս երկու հարևան երկրների՝ Հայաստանի և Թուրքիայի հնարավորին շուտ հաշտեցման օգտին։ Այս մասին ամենշաբաթյա ճեպազրույցում հայտարարել է ՌԴ ԱԳՆ պաշտոնական ներկայացուցիչ Մարիա Զախարովան՝ անդրադառնալով Երևանում կայացած Հայաստանի և Թուրքիայի հարաբերությունների կարգավորման հարցով հատուկ ներկայացուցիչների հանդիպմանը։
Նա նշել է, որ Մոսկվան դա համարում է Հարավային Կովկասում երկարատև խաղաղության հաստատման և կայուն զարգացման ապահովման անհրաժեշտ նախապայման։
Ըստ Զախարովայի՝ մի քանի անգամ ՌԴ-ն, անձամբ ԱԳ նախարար Սերգեյ Լավրովը մասնակցել է այդ հարցին նվիրված միջազգային հանդիպումներին, նաև հիշեցրել, որ հայ-թուրքական հարաբերությունների կարգավորման առաջին փուլն անցկացվել է Մոսկվայում 2022 թվականին։
«Մենք պատրաստ ենք շարունակել աջակցել այս ջանքերին, այդ թվում՝ 3+3 ձևաչափով։ Մենք հույս ունենք, որ պայմանավորվածությունների մշակմամբ Անկարան ու Երևանը հաշվի կառնեն տեղում ստեղծված իրողությունները և Հարավային Կովկասում մեր հարևանների շահերը»,- նշել ռուսաստանցի պաշտոոնյան՝ հավելելով, որ դրան հասնելու համար կարևոր է կանխել արտաքին խաղացողների կողմից այս բարդ բանակցային գործընթացին ապակառուցողական միջամտությունը։
Հիշեցնենք, որ Հայաստանի և Թուրքիայի միջև կարգավորման գործընթացի հատուկ ներկայացուցիչ Սերդար Քըլըչը ՀՀ ԱԳՆ-ում սեպտեմբերի 12-ին հանդիպում էր անցկացրել գործընթացում Հայաստանի ներկայացուցիչ Ռուբեն Ռուբինյանի հետ։ Դա նրանց 6-րդ հանդիպումն էր։
Թարգմանությունը՝ Էմմա Չոբանյանի
