07.09.2026 | 15:25
Հրդեհ Երևանյան լճին հարակից ձորում. դեպքի վայր է մեկնել երկու մարտական հաշվարկ
Զապորոժիեի վրա ռուսական հարձակման հետևանքով զոհ և 13 վիրավոր կա
Քաղաքականություն
16.09.2025 | 11:51
Ռուսական զորքերը սեպտեմբերի լույս 16-ի գիշերը մոտ մեկ տասնյակ հարված են հասցրել Զապորոժիեին. մեկ մարդ զոհվել է, 13-ը՝ վիրավորվել, գրում է Current time-ը։ Վիրավորների թվում երկու երեխա կա՝ 4 և 17 տարեկան։ Այս մասին հայտնել են Տարածաշրջանային ռազմական վարչությունը, բանակը և Ուկրաինայի պետական արտակարգ իրավիճակների ծառայությունը։
Մահացածը Զապորոժիեի 41-ամյա բնակիչ է։
Նախնական տվյալներով՝ ռուսական զորքերը հարվածների համար օգտագործել են «Տորնադո-Ս» համազարկային կրակի ռեակտիվ համակարգ, առնվազն 10 հարված է հասցվել, հայտնել է տարածաշրջանային ռազմական վարչակազմի նախագահ Իվան Ֆյոդորովը։ Ըստ նրա՝ հարվածները հասցվել են քաղաքի Կոմունարսկի և Շևչենկովսկի շրջաններին։ Վնասվել է 10 բազմաբնակարան շենք և 12 մասնավոր տուն։ Հրդեհը կլանել է երեք բնակելի շենք, երկու բեռնատար ավտոկայանատեղի և մեկ սպասարկման կայան։
Ռուսական բանակը նաև հարձակվել է Պոլոգովսկի շրջանի վրա, որտեղ անօդաչու թռչող սարքի հարձակման հետևանքով մահացել է 66-ամյա տղամարդ։
Ուկրաինայի ռազմաօդային ուժերն առավոտյան հայտնել են, որ ռուսական զորքերի կողմից արձակված 113 անօդաչու թռչող սարքերից 89-ը խոցվել կամ ճնշվել է ռադիոէլեկտրոնային պայքարի միջոցներով։
Խոցված անօդաչու թռչող սարքերի մեծ մասը՝ 70-ը, հարվածային են եղել։ Նշվում է, որ վեց վայրերում գրանցվել է անօդաչուների 22 հարված, ևս երկու դեպքում գետնին են ընկել դրանց բեկորները։
ՌԴ ՊՆ-ն իր հերթին, հայտնել է, որ խոցվել է ուկրաինական 87 անօդաչու թռչող սարք։
Թարգմանությունը՝ Էմմա Չոբանյանի
