29.04.2026 | 21:52
Թրամփը Սպիտակ տանը հանդիպել է էներգետիկ ընկերությունների ղեկավարների հետ
Ուկրաինայի հետախուզությունը պնդում է, որ ռուսական երկաթգծում պայթյուններ է կազմակերպել
Քաղաքականություն
14.09.2025 | 17:45
Ուկրաինայի Պաշտպանության նախարարության Գլխավոր հետախուզական վարչությունը և Ուկրաինայի հատուկ գործողությունների ուժերը կանգնած են այն պայթյունների հետևում, որոնք տեղի են ունեցել սեպտեմբերի 13-ին և 14-ին Օռլովի և Լենինգրադի մարզերում գտնվող երկաթգծում, հաղորդել են ուկրաինական լրատվամիջոցները՝ հղում անելով հետախուզական աղբյուրներին։
Հրապարակումներում նշվում է, որ այն երկաթուղային ճյուղերը, որտեղ տեղի են ունեցել պայթյունները, համարվում են «կարևոր լոգիստիկ հանգույցներ» ՌԴ զորքերի մատակարարումների համար՝ խարկովյան և սումյան ուղղություններում։
«Այս հատվածներում երկաթուղային ենթակառուցվածքի վնասման արդյունքում ռուսները լուրջ բարդություններ կզգան լոգիստիկայում, ինչը, իր հերթին, էականորեն կազդի նրանց կարողության վրա՝ իրականացնել ակտիվ գործողություններ Ուկրաինայի պաշտպանության ուժերի դեմ»,-հայտարարել է РБК-Украина-ն։
Օռլովի մարզում երկաթգծում տեղի ունեցած պայթյունի հետևանքով զոհվել են Ռոսգվարդիայի երեք աշխատակից։ Լենինգրադի մարզում տեղի ունեցած պայթյունի ժամանակ ռելսերից դուրս է եկել լոկոմոտիվը՝ 15 ցիստեռններով։
