30.07.2026 | 19:39
Ռուսաստանը բենզինի արտահանման արգելքը երկարաձգել է մինչև 2027 թվականի հունվարի վերջը
Ռուսական զորքերը հարված են հասցրել Սումիի ուսումնական հաստատություններից մեկին
Քաղաքականություն
11.09.2025 | 12:46
Ռուսական զորքերը սեպտեմբերի 11-ի գիշերը հարված են հասցրել Սումիի ուսումնական հաստատություններից մեկին։ Այս մասին հայտնել է Ուկրաինայի արտակարգ իրավիճակների պետական ծառայությունը, գրում է Current time-ը։
Գերատեսչության տվյալներով՝ հարձակման հետևանքով մասամբ ավերել են հաստատության շենքերը, դրանցից մեկում հրդեհ է բռնկվել։ Հարվածային ալիքը վնասել է ավտոմեքենաներ և կոտրել մոտակա բնակելի շենքերի պատուհանները։
Ուկրաինայի ռազմաօդային ուժերի ամենօրյա զեկույցում նշվում է, որ լույս սեպտեմբերի 11-ի գիշերը Ուկրաինան ենթարկվել է 66 «Շահեդ», «Գերբերա» և այլ տեսակի անօդաչու թռչող սարքերի հարձակմանը։
Հակաօդային պաշտպանության համակարգերին հաջողվել է խոցել 62 անօդաչու թռչող սարք։ «Գրանցվել է 4 հարվածային ԱԹՍ-ի հարված 3 վայրերում», – նշվում է զեկույցում։
Թարգմանությունը՝ Էմմա Չոբանյանի
