07.09.2026 | 15:57
Հայաստանն ու Վրաստանը քննարկել են նոր ուղիղ ավիաչվերթների բացումը
Հայաստանի ու Ադրբեջանի ղեկավարների այցերն են սպասվում Ղազախստան․ Տոկաև
Քաղաքականություն
08.09.2025 | 15:39
Ղազախստանի նախագահ Կասիմ-Ժոմարտ Տոկաևը հայտարարել է, որ պատրաստվում են ՀՀ վարչապետ Նիկոլ Փաշինյանի ու Ադրբեջանի նախագահ Իլհամ Ալիևի այցերին։ Այս մասին Տոկաևը հայտնել է խորհրդարանի պալատների համատեղ նիստում Ղազախստանի ժողովրդին ուղղված իր ամենամյա ուղերձում։
«Իմ այցերը Թուրքիա և Ղրղզստան հաջող էին։ Տարեվերջին տեղի կունենան իմ այցերը Ռուսաստան և Ուզբեկստան, մենք պատրաստվում ենք Աստանայում ընդունել Ադրբեջանի, Հայաստանի և Թուրքմենստանի ղեկավարներին, ինչպես նաև նախատեսված են հանդիպումներ և բանակցություններ մի շարք ասիական և եվրոպական երկրների ղեկավարների հետ։ Ղազախ-ամերիկյան երկխոսությունն ակտիվորեն զարգանում է։ Մենք զարգացնում ենք բազմակողմանի կապեր Եվրամիության հետ», – ասել է Տոկաևը։
Նա նաև ընդգծել է, որ հանուն երկարատև խաղաղության և համընդհանուր առաջընթացի անհրաժեշտ է փնտրել փոխզիջումներ, «վատ խաղաղությունը լավ վեճից լավ է»։
«Հետևաբար, Ղազախստանը ողջունել է Ալյասկայում ռուս-ամերիկյան գագաթնաժողովի արդյունքները, ինչպես նաև՝ Վաշինգտոնում նախագահ Թրամփի միջնորդությամբ Ադրբեջանի և Հայաստանի միջև խաղաղության հռչակագրի ստորագրումը»,-հայտարարել է Տոկաևը։
Հավելենք, որ օգոստոսի 8-ին Վաշինգտոնում ՀՀ-ի ու Ադրբեջանի միջև փաստաթղթերի ստորագրումից հետո ՀՀ վարչապետ Նիկոլ Փաշինյանն ու Ղազախստանի նախագահ Կասիմ-Ժոմարտ Տոկաևը հեռախոսազրույց էին ունեցել։
Թարգմանությունը՝ Էմմա Չոբանյանի
