ՀՀ 13 դպրոցում իրականացվում է պարսկերենի ուսուցում․ Իրանում նախարարն այցելել է «Սաադի» հիմնադրամ

Քաղաքականություն

07.09.2025 | 17:31

Լուրեր

11.12.2025 | 13:43

Վենեսուելայի ընդդիմության առաջնորդ Մաչադոն Օսլոյում գրեթե մեկ տարվա ընթացքում առաջին անգամ հայտնվել է հանրության առջև. ՏԵՍԱՆՅՈՒԹ

11.12.2025 | 13:34

Խուզարկում են Արցախի ներկայացուցչության շենքը

11.12.2025 | 13:31

Պետությանը պատճառվել է ավելի քան 59 մլն ՀՀ դրամի վնաս․ վերականգնվել է 25 մլն դրամը

11.12.2025 | 13:23

Հանրապետության հրապարակի շենքի լավագույն օգտագործման վերլուծությունը կիրականացնի «Cushman & Wakefield»-ի ներկայացուցիչը․ կառավարությունը միջոցներ կհատկացնի

11.12.2025 | 13:15

Ժամանակավորապես չի գործի Երևանի թիվ 24 մսուր-մանկապարտեզը. այն հիմնանորոգում են

11.12.2025 | 13:08

Լևոն Արոնյանը և Մագնուս Կարլսենը կմրցեն եզրափակիչում

11.12.2025 | 13:00

Թրամփը հայտարարել է Վենեսուելայի ափերի մոտ նավթատարի առգրավման մասին. ՏԵՍԱՆՅՈՒԹ

11.12.2025 | 12:53

102, 911, 101 համարները կփոխարինվեն 112 համարով. ՆԳՆ-ում օպերատիվ կառավարման կենտրոն է ստեղծվում. ՏԵՍԱՆՅՈՒԹ

11.12.2025 | 12:45

Ուկրաինան ԱՄՆ-ին է փոխանցել խաղաղության ծրագրին իր պատասխանը

11.12.2025 | 12:34

Գերմանիայի դեսպանատանը մյուս տարվանից այլևս հերթեր չեն լինելու․ դեսպանն է ասել․ Փաշինյան․ ՏԵՍԱՆՅՈՒԹ

11.12.2025 | 12:22

Կառավարության անդամների ճեպազրույցը՝ ՈՒՂԻՂ

11.12.2025 | 12:19

Թրամփը հայտնել է, որ Ուկրաինայի հարցով եվրոպացի առաջնորդների հետ զրույցում «կոշտ խոսքեր» են հնչել

11.12.2025 | 12:12

Բողոքներ ենք ստանում, որ շինարարների աշխատավարձը տնտեսվարողները չեն վճարում. Արայիկ Հարությունյան․ ՏԵՍԱՆՅՈՒԹ

11.12.2025 | 12:05

Ֆինն Գերագուսյանի տպավորիչ գոլն Անգլիայում․ ՏԵՍԱՆՅՈՒԹ

11.12.2025 | 12:00

Փաշինյանի օդանավը չի կարողացել Մոսկվայում վայրէջք կատարել // ԼՂ հայերի վերադարձի հարցը կարող է փակվել․ ԼՈՒՐԵՐ

Բոլորը

ՀՀ կրթության, գիտության, մշակույթի և սպորտի նախարար Ժաննա Անդրեասյանն Իրանի Իսլամական Հանրապետություն կատարած պաշտոնական այցի շրջանակում այցելել է «Սաադի» հիմնադրամ, որտեղ հանդիպել է հիմնադրամի նախագահ Ղոլամ Ալի Հադդադի Ադելին:

Հանդիպմանը ներկա են եղել նաև ԿԳՄՍ նախարարի տեղակալ Արթուր Մարտիրոսյանը, Երևանի պետական համալսարանի ռեկտոր Հովհաննես Հովհաննիսյանը, Բրյուսովի պետական համալսարանի ռեկտոր Դավիթ Գյուրջինյանը, Մեսրոպ Մաշտոցի անվան Մատենադարանի տնօրեն Արա Խզմալյանը, ՀՀ պատվիրակության այլ անդամներ:

Շնորհակալություն հայտնելով ընդունելության համար՝ Ժաննա Անդրեասյանը կարևորել է Հայաստանի և Իրանի միջև բարեկամական և պատմամշակութային հիմքերի վրա ձևավորված բազմակողմ համագործակցությունը՝ ընդգծելով դրա խորացման անհրաժեշտությունը հատկապես կրթության և մշակույթի ոլորտներում։

Անդրադառնալով կրթության ոլորտում համագործակցությանը՝ նախարարը նշել է, որ ՀՀ կառավարության 2021-2026 թվականների ծրագրում առանձնահատուկ տեղ է հատկացվել տարածաշրջանային լեզուների, այդ թվում՝ պարսկերենի ուսուցման խթանմանը։ Նա տեղեկացրել է, որ ներկայում Հայաստանի 13 դպրոցում իրականացվում է պարսկերենի ուսուցում։

Կողմերը քննարկել են Հայաստանում պարսկերենի ուսուցման ընդլայնման և զարգացման հնարավորությունները հանրակրթության և բուհական համակարգերում։

Ժաննա Անդրեասյանի խոսքով՝ պարսկերենի ուսուցման և հետազոտությունների իրականացման առումով կարևոր հարթակ կարող է հանդիսանալ նաև Մեսրոպ Մաշտոցի անվան Մատենադարանը, որտեղ պահվող հնագույն ձեռագրերը գիտական հետազոտությունների հարուստ պաշար են:

Ղոլամ Ալի Հադդադի Ադելը ողջունել է հայաստանյան պատվիրակության այցը և ընդգծել երկու երկրների պատմական կապերն ու բարեկամական հարաբերությունները։ Նա բարձր է գնահատել ՀՀ կառավարության՝ տարածաշրջանային լեզուների ուսուցման քաղաքականությունը՝ նշելով, որ այն ոչ միայն լեզվական կրթություն է, այլև խթանում է տարածաշրջանային մշակութային փոխըմբռնումը։

Հանդիպման ընթացքում քննարկվել են նաև պարսկերենի առցանց դասընթացների կազմակերպման հնարավորությունները, Իրանում պարսկերենի ուսուցման նպատակով կրթաթոշակային ծրագրերի ներդրման հեռանկարները, ուսումնական նոր նյութերի և դասագրքերի ստեղծմանը վերաբերող հարցեր:

Կողմերը քննարկել են երկկողմ հետաքրքրություն ներկայացնող մի շարք այլ հարցեր: