25.08.2026 | 15:34
Կրիչներ են առգրավել, էական բան չկա. Էրիկ Ալեքսանյան․ ՏԵՍԱՆՅՈՒԹ
Մինչ զինվորական դատախազն արձակուրդում է, զինդատախազությունում կադրային փոփոխությունները շարունակվում են
Հասարակություն
05.09.2025 | 16:16
Գլխավոր դատախազ Աննա Վարդապետյանը շարունակում է զինդատախազությունում
կադրային փոփոխությունները։
Աննա Վարդապետյանի սեպտեմբերի 4-ի հրամանով ՀՀ զինվորական կենտրոնական դատախազության կայազորերի զինվորական դատախազությունների գործունեության նկատմամբ վերահսկողության բաժնի պետ Վիգեն Հարությունյանը փոխադրվել է Լոռու կայազորի զինվորական դատախազի պաշտոնին։
Հիշեցնենք, որ Գլխավոր դատախազի սեպտեմբերի 2-ի հրամանով Լոռու կայազորի զինվորական դատախազ էր նշանակվել Գևորգ Խալաթյանը, որը Երևանի կայազորի դատախազն էր։ Լոռի փոխադրվելու հրամանից հետո Խալաթյանն աշխատանքից ազատման դիմում է գրել։ Խալաթյանին սեփական դիմումի համաձայն պաշտոնից ազատելուց հետո, փաստորեն, Աննա Վարդապետյանը նրա պաշտոնում նշանակել է Վիգեն Հարությունյանին։
Factor TV-ին հայտնի դարձավ նաև, որ Վիգեն Հարությունյանի փոխարեն նրա պաշտոնում նշանակվել է ՀՀ զինվորական կենտրոնական դատախազության զինվորական ծառայության դեմ ուղղված հատկապես կարևոր գործերով քննության նկատմամբ հսկողության բաժնի ավագ դատախազ Վազգեն Վարդանյանը։
Նշենք, որ Զինվորական դատախազ Գրիգոր Էլիզբարյանն այս պահին գտնվում է արձակուրդում։ Այսինքն՝ զինդատախազությունում կադրային փոփոխությունները կատարվում են նրա բացակայության պայմաններում։
Արաքս Մամուլյան
