28.06.2026 | 15:38
Ձայնագրությունները մոնտաժված են եղել․ «Ուժեղ Հայաստանին» ահռելի վնաս է պատճառվել․ Վարդևանյան․ ՏԵՍԱՆՅՈւԹ
Պորտուգալիայի հետ խաղում մենք մեր պլաններն ունենք. Եղիշե Մելիքյան
05.09.2025 | 16:28
Հայաստանի ֆուտբոլի ազգային թիմի գլխավոր մարզիչ Եղիշե Մելիքյանի կարծիքով` Պորտուգալիայի հավաքականն ունի թույլ կողմեր, բայց դրանք քիչ են:
«Մեզ դժվար հանդիպում է սպասվում: Սա բացահայտում չէ ոչ մեկի համար: Պորտուգալիան եվրոպական բարձրակարգ թիմ է ու լուրջ մրցակից է մեզ համար: Մենք մեր պլաններն ունենք: Պորտուգալիան ունի թույլ կողմեր. թեպետ դրանք քիչ են, բայց առկա են»,-«Արմենպրես»-ի հաղորդմամբ` լրագրողների հետ նախախաղային ասուլիսի ժամանակ ասել է Մելիքյանը:
Մելիքյանն ընդգծել է, որ, հավաքականին ներսից ծանոթանալով, ինքն առավել շատ է վստահում ֆուտբոլիստներին ու պատրաստ է նրանց հետո ճանապարհ գնալ:
Մելիքյանը դեռևս վերջնական որոշում չի կայացրել, թե ով է լինելու հավաքականի ավագը, սակայն թե՛ Պորտուգալիայի, թե Իռլանդիայի դեմ առաջիկա խաղերին վնասվածքի պատճառով չի մասնակցի Ստյոպա Մկրտչյանը:
Անդրադառնալով ՀՖՖ ղեկավար կազմի հետ նախկինում ունեցած իր բարդ փոխհարաբերությունների մասին հարցին՝ Մելիքյանն ընդգծեց, որ այդ մասին կխոսի հետո, սակայն այժմ իրեն ոչինչ չի խանգարում նորմալ աշխատել հավաքականում:
Սեպտեմբերի 6-ին Հայաստանի ազգային հավաքականը Վազգեն Սարգսյանի անվան «Հանրապետական» մարզադաշտում կընդունի Պորտուգալիայի հավաքականին։ Հանդիպման մեկնարկը՝ ժամը 20։00-ին (Երևանի ժամանակով)։
